பக்காத்தான் ஹராப்பான் பிரதிநிதி, ஊழியர் சேமநிதிக்கு (Employees Provident Fund) புதிய கொடுப்பனவு முறையை அறிமுகப்படுத்தும் திட்டத்தைப் புத்ராஜெயா மறுபரிசீலனை செய்ய வேண்டும் என்று வலியுறுத்தியுள்ளார்.
13வது மலேசியா திட்டத்தின் (13MP) கீழ் முன்மொழியப்பட்ட இந்த யோசனை மக்களிடமிருந்து வலுவான எதிர்ப்பைப் பெற்றுள்ளதாகச் சா கீ சின் (Harapan-Rasah) கூறினார்.
“புதிய வழிமுறை என்பது ஓய்வூதிய வயதை எட்டிய பங்களிப்பாளர்கள் தங்கள் EPF சேமிப்பை முழுமையாகத் திரும்பப் பெற முடியாது என்பதாகும்”.
“இதை மறுபரிசீலனை செய்யுமாறு அரசாங்கத்திடம் நான் வேண்டுகோள் விடுக்க விரும்புகிறேன். ஏனென்றால், நாம் அனைவரும் அறிந்தபடி, EPF என்பது தொழிலாளர்களின் முதுமைக்கான சேமிப்பு ஆகும்”.
“ஆனால், பங்களிப்பாளர்கள் ஓய்வு பெறும்போது தங்கள் பணத்தை எடுக்க முடியாவிட்டால், ஓய்வூதிய சேமிப்பின் அர்த்தம் என்ன? அதன் பெயரை மாற்றுவதும் நல்லது,” என்று அவர் 13MP மசோதாவை விவாதிக்கும்போது மக்களவையில் கூறினார்.
இரண்டு வாரங்களுக்கு முன்பு பிரதமர் அன்வார் இப்ராஹிம் இந்தத் திட்டத்தைத் தாக்கல் செய்ததிலிருந்து, புதிய EPF திட்டம்குறித்து தங்கள் கவலைகளை எழுப்பிய பலரை சந்தித்ததாக நெகிரி செம்பிலான் DAP செயலாளர் தெரிவித்தார்.
“பங்களிப்பாளர்கள் தங்கள் சேமிப்புகள் அனைத்தையும் திரும்பப் பெறுவதா அல்லது EPF இல் வைத்திருப்பதா என்பதைத் தேர்ந்தெடுக்கும் உரிமையை வைத்திருக்கும் முறையைப் பராமரிக்குமாறு நான் இங்குள்ள அரசாங்கத்தை வெளிப்படையாகக் கேட்டுக்கொள்கிறேன்.”
13MP திட்டத்தின் கீழ், அரசாங்கம் புதிய பொறிமுறைத் திட்டத்தைத் தொழிலாளர் சந்தையைச் சீர்திருத்துவதற்கான அதன் B2 உத்தியின் ஒரு பகுதியாகப் பட்டியலிட்டது.
ராசா எம்.பி. சா கீ சின்
தொழிலாளர்களின் நலனை மேம்படுத்துவதை நோக்கமாகக் கொண்டு, EPF பங்களிப்புகளை ஓய்வூதிய சேமிப்பு மற்றும் ஓய்வூதியம் என இரண்டு கூறுகளாகப் பிரிக்கத் திட்டமிட்டுள்ளது.
முன்மொழியப்பட்ட வழிமுறை தற்போதுள்ள உறுப்பினர்களைப் பாதிக்காது என்று துணை நிதியமைச்சர் லிம் ஹுய் யிங் பின்னர் கூறினார்.
ஏனெனில் இது பாலிசி செயல்படுத்தப்பட்ட பிறகு பதிவு செய்யும் புதிய EPF உறுப்பினர்களுக்கு மட்டுமே பொருந்தும் என்று அவர் மேலும் கூறினார்.
