வாக்கு திருட்டு குற்றச்சாட்டு; தேர்தல் ஆணையத்திற்கு ராகுல் காந்தி 5 கேள்விகள் | இந்தியா

குறிப்பாக கர்நாடகா நாடாளுமன்றத் தேர்தலில் ஒரு நாடாளுமன்றத் தொகுதியை மட்டும் எடுத்து ஆய்வு செய்ததாகவும், அதில் பெரும் அளவு முறைகேடு நடந்திருப்பது கண்டறியப்பட்டிருப்பதாகவும், அதற்கான ஆதாரங்கள் தன்னிடம் இருப்பதாகவும் தெரிவித்திருந்தார்.

இந்நிலையில், நேற்று டெல்லியில் சிறப்பு செய்தியாளர் சந்திப்பை நடத்திய ராகுல் காந்தி, பெங்களூருவில் ஒற்றை படுக்கை அறை வசதி கொண்ட வீட்டின் முகவரியில் 80 வாக்காளர்கள் இருப்பதாக பதிவு செய்யப்பட்டுள்ளதாகவும், காங்கிரஸ் கட்சியினர் நடத்திய ஆய்வில் அங்கு யாரும் இல்லை என்பது உறுதி செய்யப்பட்டதாகவும் கூறினார். மேலும், பாஜகவின் முறைகேடுகளுக்கு தேர்தல் ஆணையம் துணைபோவதாக ராகுல் காந்தி குற்றஞ்சாட்டினார்.

இந்நிலையில், வாக்கு திருட்டு விவகாரத்தில் வெளியிட்ட அறிக்கை தொடர்பாக தனது கையொப்பமிட்ட உறுதிமொழி பத்திரத்தை அளிக்க வேண்டும் அல்லது பொய் குற்றச்சாட்டுகள் வெளியிட்டதற்கு மன்னிப்பு கேட்க வேண்டும் என மக்களவை எதிர்க்கட்சித் தலைவர் ராகுல் காந்தியை தேர்தல் ஆணையம் கேட்டுக் கொண்டுள்ளதாக தகவல் வெளியாகியிருக்கிறது.

இன்று ராகுல் காந்தி கர்நாடகா மாநிலம், பெங்களூருவில் இந்த விவகாரம் குறித்து ஆர்ப்பாட்டம் நடத்தினார். மேலும், தனது எக்ஸ் பக்கத்தில், தேர்தல் ஆணையத்திற்கு ஐந்து கேள்விகளை எழுப்பியுள்ளார்.

அவர் தனது எக்ஸ் பக்கத்தில், “தேர்தல் ஆணையத்திற்கு 5 கேள்விகள் உள்ளன – நாடு அதற்கான பதில்களைக் கேட்கிறது: