110 ரன்களில் சுருண்ட பாகிஸ்தான் அணி.. முதல் டி20 போட்டியை எளிதாக வென்றது வங்கதேசம்

பாகிஸ்தான் கிரிக்கெட் அணி வங்கதேசத்தில் சுற்றுப் பயணம் மேற்கொண்டு 3 போட்டிகள்  கொண்ட டி20 கிரிக்கெட் தொடரில் விளையாடி வருகிறது. இந்நிலையில் முதல் போட்டி இன்று தலைநகர் டாக்கா மைதானத்தில் இந்திய நேரப்படி மாலை 5.30 மணியளவில் தொடங்கியது.

டாஸ் வென்ற வங்கதேச அணியின் கேப்டன் லிட்டன் தாஸ் பவுலிங்கை தேர்வு செய்தார். இதையடுத்து பாகிஸ்தான் அணியின் தொடக்க வீரர்களாக பகர் சமான், சைம் அயுப் களம் இறங்கினர். பகர் சமான் 44 ரன்களிலும், சைப் அயுப் 6 ரன்களிலும் ஆட்டமிழந்தனர்.

அடுத்து வந்த ஹாரிஸ் 4 ரன்களிலும், கேப்டன் சல்மான் அகா 4 ரன்களிலும், ஹசன் நவாஸ் ரன் ஏதும் எடுக்காமலும் வெளியேறினர். அடுத்து வந்தவர்களில் குஷ்டில் 17 ரன்களும், அப்பாஸ் அப்ரிதி 22 ரன்களும் எடுத்தனர். 19.3 ஓவர்களில் அனைத்து விக்கெட்டுகளையும் இழந்த பாகிஸ்தான் அணி 110 ரன்கள் மட்டுமே எடுத்தது.

இதையடுத்து 111 ரன்கள் எடுத்தால் வெற்றி என்ற எளிதான இலக்கை நோக்கி விளையாடிய வங்கதேச அணியில் தொடக்க வீரர் ஹசன் தமீம் மற்றும் அடுத்து வந்த கேப்டன் லிட்டன் தாஸ் ஆகியோர் தலா1 ரன்னில் வெளியேறினர்.