“பிகார் வளர்ச்சி அடைந்தால் நாடு முன்னேறும்” – பிரதமர் நரேந்திர மோடி

பிகாரில் சட்டப்பேரவைத் தேர்தல் நெருங்கும் சூழலில், பிரதமர் மோடி அங்கு சுற்றுப்பயணம் மேற்கொண்டார். அவரை முதலமைச்சர் நிதிஷ்குமார் மற்றும் துணை முதல்வர்கள் உள்ளிட்டோர் வரவேற்றனர். தொடர்ந்து திறந்தவெளி வாகனத்தில் ரோடு ஷோ சென்ற பிரதமருக்கு வழிநெடுகிலும் திரண்ட தொண்டர்கள் மற்றும் பொதுமக்கள் மலர் தூவி உற்சாக வரவேற்பளித்தனர்.

மோதிஹரியில் நடைபெற்ற அரசு நிகழ்ச்சியில் கலந்துகொண்ட அவர் 7 ஆயிரத்து 200 கோடி ரூபாய் மதிப்பிலான நலத்திட்டங்களுக்கு அடிக்கல் நாட்டினார். தொடர்ந்து உரையாற்றிய பிரதமர் மோடி, பிகார் வளர்ச்சி அடைந்தால் நாடு முன்னேற்றம் காணும் என்றார். பாஜக ஆட்சியில் பிகாருக்கு பல மடங்கு அதிக நிதி உதவி வழங்கப்பட்டுள்ளதாகவும் பிரதமர் மோடி தெரிவித்தார்.