கே.எல்.ராகுல், ரிஷப் பந்த் விக்கெட்டுகளை இழந்த இந்திய அணி.. வெற்றியை நெருங்கும் இங்கிலாந்து..

இந்திய கிரிக்கெட் அணி இங்கிலாந்தில் சுற்றுப் பயணம் மேற்கொண்டு 5 போட்டிகள் கொண்ட டெஸ்ட் கிரிக்கெட் தொடரில் விளையாடி வருகிறது. இந்த தொடரின் முதல் போட்டியில் இங்கிலாந்தும் 2 ஆவது போட்டியில் இந்திய அணியும் வெற்றி பெற்றன.

3 ஆவது டெஸ்ட் கிரிக்கெட் போட்டி தற்போது லண்டன் லார்ட்ஸ் மைதானத்தில் நடைபெற்று வருகிறது. இந்த போட்டியில் முதல் இன்னிங்ஸில் 2 அணிகளும் 387 ரன்கள் எடுத்தன. 2 ஆவது இன்னிங்சில் இங்கிலாந்து அணி 192 ரன்கள் எடுத்த நிலையில், 193 ரன்கள் எடுத்தால் வெற்றி என்ற எளிதான இலக்கை நோக்கி இந்திய அணி விளையாடி வருகிறது.

நேற்றைய 4 ஆம் நாள் ஆட்ட நேர முடிவில் இந்திய அணி 4 விக்கெட் இழப்புக்கு 57 ரன்கள் எடுத்திருந்தது. இந்நிலையில் 5 ஆவது நாள் ஆட்டத்தை தொடர்ந்த இந்திய அணியில் விக்கெட் கீப்பர் ரிஷப் பந்த் ஜோஃப்ரா ஆர்ச்சர் வீசிய பந்தில் போல்டாகி வெளியேறினார். 12 பந்துகளை எதிர்கொண்டிருந்த பந்த் 9 ரன்கள் எடுத்தார்.

தற்போது 29 ஓவர்கள் முடிவில் இந்திய அணி 7 விக்கெட் இழப்புக்கு 95 ரன்கள் எடுத்துள்ளது. வெற்றி பெற இன்னும் இந்திய அணிக்கு 96 ரன்கள் தேவை. இன்னும் 3 விக்கெட்டுகளை கைப்பற்றினால் இங்கிலாந்து அணி வெற்றி பெறும்