அமெரிக்காவில் கடத்தப்பட்ட இந்திய மாணவர் சடலமாக மீட்பு… பின்னணி என்ன?

அமெரிக்காவின் க்ளீவ்லேண்ட் பல்கலைக்கழகத்தில் முதுகலை படிப்பிற்காக சென்ற இந்தியாவின் ஹைதரபாத் நகரை சேர்ந்த 25 வயது முகமது அப்துல் அர்ஃபாத் என்பவர் உயிரிழந்துள்ளார்.

கடந்த சில வாரங்களுக்கு முன்பு அடையாளம் தெரியாத மர்ம நபர்களால் முகமது அப்துல் அர்ஃபாத் கடத்தப்பட்டார். அவரது பெற்றோரிடம் 1200 டாலரை பிணய தொகையாக கேட்ட அவர்கள் அதை எவ்வாறு செலுத்துவது என்பதற்கான வழிமுறையை தெரியப்படுத்தவில்லை.

இந்நிலையில் அமெரிக்காவில் உள்ள இந்திய தூதரகம் அதனுடைய அதிகாரப்பூர்வ எக்ஸ் பக்கத்தில், “தேடுதல் பணி நடைபெற்று கொண்டிருந்த நிலையில் க்ளீவ்லாண்டின் ஓஹியோவில் முகமது அப்துல் அர்ஃபாத்-ன் இறந்த உடல் கண்டறியப்பட்டுள்ளது வேதனை அளிக்கிறது. அவரை இழந்து வாடும் குடும்பத்தினருக்கு ஆழ்ந்த இரங்கல். முகமது அப்துல் அர்ஃபாத்-ன் மரணம் குறித்த முழுமையான விசாரணையை உறுதி செய்வது குறித்து உள்ளூர் காவல் நிலையத்துடன் தொடர்பு கொண்டுள்ளோம். அவரது உடலை இந்தியாவிற்கு கொண்டு வருவதற்கான அனைத்து உதவிகளையும் நாங்கள் செய்வோம்” எனப் பதிவிட்டுள்ளனர்.

Anguished to learn that Mr. Mohammed Abdul Arfath, for whom search operation was underway, was found dead in Cleveland, Ohio.

Our deepest condolences to Mr Mohammed Arfath’s family. @IndiainNewYork is in touch with local agencies to ensure thorough investigation into Mr… https://t.co/FRRrR8ZXZ8

— India in New York (@IndiainNewYork) April 9, 2024

இது குறித்து அவரது தந்தை முகமது சலீம் கூறும் போது “ அர்ஃபாத் எங்களது ஒரே மகன். எங்களையும் அவனுடைய நண்பர்களையும் காண விரும்புவதாகவும் அதனால் இந்தியா வருவதாகவும் கூறினான். அதற்கு நான் உனது விடுமுறையில் இந்தியா வரலாம். அதற்கான விமான டிக்கெட்டிற்கான பணத்தை அனுப்புவதாகவும் கூறினேன். கடைசியாக கடந்த மாதம் 27-ம் தேதி என் மகனுடன் பேசினேன். அதுவும் ஒரு சில நொடிகள் மட்டுமே. அதற்கு மறுநாள் அவனது நண்பர்களுடன் பேசியுள்ளான். அதன் பின்னர் அவன் மர்மநபர்களால் கடத்தப்பட்டான்.”எனக் கூறியுள்ளார்.

அர்பத் கடைசியாக வெள்ளை டி-சர்ட், சிவப்பு ஜாக்கெட் மற்றும் நீல நிற ஜீன்ஸ் அணிந்திருந்ததாக அமெரிக்க அதிகாரிகள் தெரிவித்துள்ளனர். அமெரிக்காவில் மர்மமான முறையில் இறக்கும் இந்திய மாணவர்கள் மற்றும் இந்திய வம்சாவளியினரின் பட்டியலில் தற்போது அர்பத்-ம் இணைந்துள்ளார். இந்த மரணம் அமெரிக்காவில் உள்ள புலம்பெயர்ந்த இந்தியர்களிடையே கவலையையும் அச்சத்தையும் ஏற்படுத்தியுள்ளது.

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம். News 18 தமிழ் : வாட்ஸ் அப் சேனலை ஃபாலோ செய்யுங்கள்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…