ரம்ஜான் பண்டிகை காலங்களில் விவசாயிகள் ஏமாற்றம்… களைக்கட்டாத விராலிமலை ஆட்டுச் சந்தை.. 

புதுக்கோட்டை மாவட்டத்தில் மயில்கள் சரணாலயம் என அழைக்கப்படும் விராலிமலை ஆட்டுச் சந்தையில் கோடி கணக்கில் வியாபாரம் நடைபெறும்.

புதுக்கோட்டை மாவட்டம் விராலிமலையில் வாரம் தோறும் திங்கட்கிழமை விராலிமலை பேருந்து நிலையம் அருகே நடைபெறும் ஆட்டு சந்தை அப்பகுதிகளில் மிகவும் பிரபலமாகும். அதிகாலை முதலே தொடங்கும் இந்த ஆட்டு சந்தையில் பல்வேறு மாவட்டங்களில் இருந்து வியாபாரிகள், முதல் நாள் இரவில் வாகனங்களில் விராலிமலைக்கு வந்து தங்கி இருந்து ஆடுகளை வாங்கி செல்லுவது வழக்கமானது ஆகும்.

இந்த சந்தைக்கு புதுக்கோட்டை, மதுரை, சிவகங்கை, திருச்சி, சென்னை மட்டுமல்லாமல் பக்கத்து மாநிலமான பாண்டிச்சேரியில் இருந்தும் வியாபாரிகள் வந்து விராலிமலை சந்தையில் ஆடுகளை வாங்கி செல்வது என்பது விராலிமலை ஆடுகளின் தனி சிறப்பாகும். இயற்கையான முறையில் மட்டுமே வளர்க்கப்படும் இந்த ஆடுகளின் இறைச்சி கடைக்காரர்கள் மாமிசமாக விற்கும் போது மக்கள் அதிகளவில் விரும்பி வாங்கி செல்வதாக இங்கு வந்து ஆடுகள் வாங்கி செல்லும் இறைச்சிக் கடைக்காரர்கள் கூறுகின்றனர்.

இதையும் வாசிக்க: 3 ஆயிரம் ஆண்டுகள் வரலாற்று சிறப்பு மிக்க சிவன் ஆலயம் …. இந்த கோயிலுக்கு சென்று வணங்கினால் இத்தனை பலனா…
மேலும் தீபாவளி, ரம்ஜான், போன்ற பண்டிகை காலங்களிலும் திருவிழா நடைபெறும் நாட்களிலும் விராலிமலை ஆட்டுச் சந்தையில் கோடி கணக்கில் வியாபாரம் நடைபெறும் என்பதும் குறிப்பிடத்தக்கது. அந்த வகையில் இந்த வருடத்தின் ரம்ஜான் பண்டிகை நெருங்கி கொண்டிருக்கிறது.

ஆனால் தேர்தல் நன்னடத்தை விதிகள் அமலில் இருப்பதால் கோடி கணக்கில் வியாபாரம் நடைபெறும் இடத்தில் வியாபாரம் களைகட்டாத நிலை ஏற்பட்டது என்று வியாபாரிகள் தெரிவிக்கின்றனர்.

அதாவது நாடாளுமன்ற தேர்தலை முன்னிட்டு குறிப்பிட்ட தொகைக்கு மேல் எடுத்து வர முடியாத நிலை ஏற்பட்டுள்ளதால் ரம்ஜான் பண்டிகை காலங்களிலும் சந்தை வியாபாரம் சரியாக நடக்காமல் களை இழந்து இருப்பதாகவும் வியாபாரிகள் தெரிவிக்கின்றனர்.
உங்கள் ஊர் செய்திகளை வீடியோவாக பெற
கிளிக்
செய்க

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம். News 18 தமிழ் : வாட்ஸ் அப் சேனலை ஃபாலோ செய்யுங்கள்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…