தேசிய நெடுஞ்சாலையில் பெண் செய்த அதிர்ச்சி செயல்.. ரீல்ஸ் மோகத்தில் ரோட்டில் அத்துமீறல்.. என்ன நடந்தது?

லேடி தாதா, கெத்து குயின் என்ற மிதப்பில் கான்பூர் – டெல்லி நெடுஞ்சாலையில் துப்பாக்கியுடன் ஆட்டம் போட்டு ரீல்ஸ் வெளியிட்டுள்ளார். பட்டப்பகலில் துப்பாக்கியுடன் ஷாலினி வெளியிட்ட ரீல்ஸ், வட மாநிலங்களில் புழுதி புயலாய் வீசி, காண்போரின் கண்களை சிவக்க வைத்தது.

துப்பாக்கிக்கு முறையாக அனுமதி இருப்பினும் பொது இடத்தில் இப்படியா சுழற்றுவதா? என நெட்டீசன்கள் பலரும் கேள்வி எழுப்பி வருகின்றனர். இந்திய ஆயுதச் சட்டம் 1959 இன் கீழ், பொது இடங்களில் ஆயுதங்களை எடுத்துச் செல்வது, அவற்றை ஸ்டைலாகக் காண்பிப்பது அல்லது சமூக ஊடகங்களில் விளம்பரப்படுத்துவது சட்டப்பூர்வ குற்றமாகும். இதுபோன்ற சந்தர்ப்பங்களில், உரிமத்தை ரத்து செய்யலாம். அபராதம் அல்லது சிறைத்தண்டனை விதிக்கவும் வழி உள்ளது.

இந்நிலையில் ஷாலினியின் எல்லை மீறல் சம்பவம் குறித்து கான்பூர் போலீசார் விசாரணையைத் தொடங்கி உள்ளனர்.  சர்ச்சையில் சிக்கியது தெரிந்தும், ஷாலினி தனது இன்ஸ்டா அக்கவுண்டில் இன்னமும் அக்டிவ்வாக தான் இருக்கிறார். போலீசார் உரிய நடவடிக்கை எடுத்தால் மட்டுமே ஷாலினி அட்ராசிட்டிக்கு எண்டு கார்டு போட முடியும் என்று நெட்டிசன்கள் தெரிவிக்கின்றனர்.