Last Updated:
மங்களா இந்தியன் ஸ்கூல் ஆஃப் பிசினஸில் (ISB) மேனேஜ்மென்ட் பட்டம் பெற்றுள்ளார். அங்கு அவருக்கு டார்ச் பியரர் விருது வழங்கப்பட்டது.
ஆன்லைன் உணவு டெலிவரி பிளாட்ஃபார்மான சொமேட்டோவின் தாய் நிறுவனமான எட்டர்னல், அதன் மிகப்பெரிய வணிகப் பிரிவான உணவு விநியோகத்திற்கு ஒரு புதிய கேப்டனை நியமித்துள்ளது. நிறுவனம் தனது உணவு ஆர்டர் மற்றும் விநியோக வணிகம் மற்றும் சீனியர் மேனேஜ்மென்ட் பெர்சனல் (SMP) ஆகியவற்றின் தலைமை நிர்வாக அதிகாரியாக ஆதித்யா மங்களாவை நியமித்துள்ளது. ஜூலை 6, 2025 அன்று நடந்த நிறுவனத்தின் வாரியக் கூட்டத்தில் இந்த நியமனம் செய்யப்பட்டது மற்றும் அவரது பதவிக்காலம் இரண்டு ஆண்டுகள் நீடிக்கும் என்று நிறுவனம் தெரிவித்துள்ளது.
ஏப்ரல் மாதம் இந்தப் பதவியை ராஜினாமா செய்த ராகேஷ் ரஞ்சனுக்குப் பதிலாக ஆதித்ய மங்களா நியமிக்கப்பட்டுள்ளார். சுவாரஸ்யமாக, கடந்த மூன்று ஆண்டுகளில் இந்தப் பொறுப்பில் வரும் சொமேட்டோவின் மூன்றாவது தலைமை நிர்வாக அதிகாரி மங்களா ஆவார். முன்னதாக, இந்தப் பதவியில் இருந்த மோஹித் குப்தா, நவம்பர் 2022இல் ராஜினாமா செய்தார்.
மங்களா தற்போது எடர்னாவில் உணவு ஆர்டர் மற்றும் டெலிவரிக்கான தயாரிப்புத் தலைவராக உள்ளார். ஆதித்ய மங்களா 2021ஆம் ஆண்டு மார்ச் மாதத்தில் எடர்னலில் சேர்ந்தார். நிறுவனத்தின் கூற்றுப்படி, ரெஸ்டாரண்ட் பார்ட்னர் நெட்வொர்க்கை மேம்படுத்துவதிலும், டிஜிட்டல் டச் பாயிண்டுகள் முழுவதும் வாடிக்கையாளர் திருப்தியை மேம்படுத்துவதிலும் அவர் சிறப்பு கவனம் செலுத்தியுள்ளார்.
கடந்த நான்கு ஆண்டுகளில், நிறுவனத்தின் உணவு டெலிவரி வணிகத்தில் பல முக்கியப் பொறுப்புகளை வகித்துள்ளார், இதில் விநியோகத் தலைவர் மற்றும் வாடிக்கையாளர் அனுபவத் தலைவர் போன்ற பொறுப்புகளும் அடங்கும். எடர்னலுக்கு முன்பு, மங்களா பல்வேறு ஸ்டார்ட்அப்கள் மற்றும் தொழில்நுட்பம் சார்ந்த நிறுவனங்களில் லாபம் & இழப்பு, தயாரிப்பு மற்றும் சந்தைப்படுத்தல் ஆகியவற்றில் மூத்த பதவிகளில் பணியாற்றியுள்ளார்.
மங்களா இந்தியன் ஸ்கூல் ஆஃப் பிசினஸில் (ISB) மேனேஜ்மென்ட் பட்டம் பெற்றுள்ளார். அங்கு அவருக்கு டார்ச் பியரர் விருது வழங்கப்பட்டது. இது தவிர, அமெரிக்காவின் புகழ்பெற்ற கார்னகி மெலன் பல்கலைக்கழகத்தில் முதுகலைப் பட்டம் பெற்ற அவர், நேதாஜி சுபாஷ் இன்ஸ்டிடியூட் ஆஃப் டெக்னாலஜியில் பொறியியல் பயின்றார்.
July 10, 2025 1:53 PM IST
உணவு விநியோகப் பிரிவுக்கு புதிய தலைமை நிர்வாக அதிகாரியை நியமித்த சொமேட்டோ… யார் தெரியுமா…?
