இந்திய அணி வெற்றி பெற 192 ரன்கள் இலக்கு – News18 தமிழ்

ராஞ்சியில் நடைபெற்று வரும் 4 ஆவது டெஸ்ட் போட்டியில் இந்திய அணி வெற்றி பெற 192 ரன்கள் இலக்கை இங்கிலாந்து அணி நிர்ணயித்துள்ளது.

முதல் இன்னிங்ஸில் 46 ரன்கள் முன்னிலையுடன் இங்கிலாந்து அணி 2 அவது இன்னிங்சை தொடங்கியது. அணி 19 ரன்கள் எடுத்திருந்தபோது, பென் டக்கெட் 15 ரன்னில் ஆட்டமிழந்தார். அடுத்து வந்த ஆலி போப் ரன் ஏதும் எடுக்காமல் அஷ்வின் வீசிய முதல் பந்திலேயே எல்.பி.டபிள்யூ. முறையில் ஆட்டமிழந்து  வெளியேறினார்.

தொடர்ந்து ஜோரூட் 11 ரன்னிலும், பென் ஸ்டோக்ஸ் 4 ரன்னிலும் விக்கெட்டை பறி கொடுத்தனர். ஒரு முனையில் விக்கெட்டுகள் விழுந்தாலும் தொடக்க வீரர் ஸாக் கிராவ்லே நிதமானக விளையாடி ரன்களை சேர்த்தார்.  91 பந்துகளில் 60 ரன்களை எடுத்த அவர் குல்தீப் யாதவ் பந்தில் போல்டாகி ஆட்டமிழந்தார்.

3 ஆவது நாள் ஆட்டத்தின் தேநீர் இடைவேளை வரை இங்கிலாந்து அணி 33 ஓவர்களில் 5 விக்கெட்டுகளை இழந்து 120 ரன்கள் எடுத்திருந்தது. தேநீர் இடைவேளைக்கு பின்னர் 3 விக்கெட்டுகள் அடுத்தடுத்து விழுந்தன. விக்கெட் கீப்பர் ஃபோக்ஸ் 17 ரன்னிலும், ஜானி பேர்ஸ்டோ 30 ரன்னிலும் ஆட்டமிழந்தனர். டாம் ஹார்ட்லே 7 ரன்னில் வெளியேறினார்.

ஆலி ராபின்சன் மற்றும் ஜேம்ஸ் ஆண்டர்சன் ஆகியோர் ரன் ஏதும் எடுக்காமல் ஆட்டமிழக்க 53.5 ஓவர்கள் தாக்குப்பிடித்த இங்கிலாந்து அணி 145 ரன்கள் மட்டுமே எடுத்தது. இந்திய அணியில் அஷ்வின் 4 விக்கெட்டுகளையும், குல்தீப் யாதவ் 4 விக்கெட்டுகளையும், ஜடேஜா 1 விக்கெட்டையும் கைப்பற்றினர்.

இதையும் படிங்க – WPL 2024 : உ.பி. வாரியர்ஸ் அணிக்கு எதிரான போட்யில் பெங்களூரு த்ரில் வெற்றி!

இதன்பின்னர் 192 ரன்கள் எடுத்தால் வெற்றி என்ற இலக்கை நோக்கி இந்திய அணியின் பேட்ஸ்மேன்கள் விளையாடி வருகின்றனர். இன்றைய 4 ஆம் நாள் ஆட்ட நேர முடிவில் இந்திய அணி விக்கெட் இழப்பின்றி 8 ஓவர்களுக்கு 40 ரன்கள் எடுத்துள்ளது. கேப்டன் ரோஹித் சர்மா 24 ரன்களும், யஷஸ்வி ஜெய்ஸ்வால் 16 ரன்களும் எடுத்து களத்தில் உள்ளனர்.

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம். News 18 தமிழ் : வாட்ஸ் அப் சேனலை ஃபாலோ செய்யுங்கள்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…