பெண்ணை அரை நிர்வாணப்படுத்தி கொடூர தாக்குதல்… நான்கு பேர் கைது… நடந்தது என்ன?

பஞ்சாப்பில் பெண் ஒருவரை சிலர் அரை நிர்வாணப்படுத்தி கொடூரமாகத் தாக்கிய சம்பவம் அதிர்வலைகளை ஏற்படுத்தியுள்ளது.

பஞ்சாப் மாநிலம் தன் தரன் பகுதியைச் சேர்ந்த இளைஞர் ஒருவர் பெண் ஒருவரை கடந்த மாதம் காதல் திருமணம் செய்தார். இதற்கு அப்பெண்ணின் உறவினர்கள் கடும் எதிர்ப்பு தெரிவித்ததாக சொல்லப்படுகிறது. இதனிடையே, அந்த உறவினர்கள், சம்பந்தப்பட்ட இளைஞரின் 55 வயது தாயை ஆத்திரத்தில் கொடூரமாகத் தாக்கி அரை நிர்வாணப்படுத்தியுள்ளனர். அந்த வீடியோ தற்போது வெளியாகி அதிர்ச்சியை ஏற்படுத்தியது.

கடும் அதிர்வலைகளை இந்த விவகாரம் ஏற்படுத்தியுள்ள நிலையில் இது தொடர்பாக திருமணமான பெண்ணின் தாய் உட்பட நான்கு பேரை போலீஸார் அதிரடியாக கைது செய்துள்ளனர். விசாரணை நடைபெற்று வருவதாகவும், மீதமுள்ள குற்றவாளிகள் விரைவில் கைது செய்யப்படுவார்கள் என்றும் மூத்த காவல் கண்காணிப்பாளர் கபூர் கூறினார்.

Also Read |
இந்தியாவை அதிரவைத்த கிரிமினல்… 2000 குற்றவாளிகளை ரிலீஸ் செய்த போலி நீதிபதி!

பிரிவுகள் 354 (தன்னடக்கத்தை சீர்குலைக்கும் நோக்கில் பெண்ணைத் தாக்குதல்), 354B, 354D (பின்தொடர்தல்), 323 மற்றும் 149 ஆகிய இந்திய தண்டனைச் சட்டம் மற்றும் தகவல் தொழில்நுட்பச் சட்டத்தின் பிரிவுகள் 67 மற்றும் 67-ஏ ஆகிய பிரிவுகளின் கீழ் வழக்குப்பதிவு செய்யப்பட்டுள்ளதாக கபூர் கூறியுள்ளார்.

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம். News 18 தமிழ் : வாட்ஸ் அப் சேனலை ஃபாலோ செய்யுங்கள்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…