விப்ரோ நிறுவனத்தின் புதிய நிர்வாக இயக்குநராக ஸ்ரீநிவாஸ் பாலியா நியமனம்!

விப்ரோ நிறுவனத்தின் தலைமை நிர்வாக அதிகாரி மற்றும் நிர்வாக இயக்குநராக ஸ்ரீநிவாஸ் பாலியா நியமிக்கப்பட்டுள்ளார்.

கடந்த நான்கு ஆண்டுகளாக தலைமை நிர்வாக அதிகாரியாக இருந்த தியரி டெலாபோர்ட், தனது பதவியை ராஜினாமா செய்த நிலையில் இந்த நியமனம் மேற்கொள்ளப்பட்டுள்ளது.

1992ஆம் ஆண்டு விப்ரோ நிறுவனத்துக்குள் காலடி எடுத்துவைத்த ஸ்ரீநிவாஸ் பாலியா, கடந்த 30 ஆண்டுகளாக அந்நிறுவனத்தில் பணியாற்றி வருகிறார்.

விப்ரோவில் தயாரிப்பு மேலாளராக பணியைத் தொடங்கிய அவர், அதன் பின்னர் பல்வேறு காலகட்டங்களில் முக்கிய பொறுப்புகளை அலங்கரித்தார். இந்நிலையில்தான் விப்ரோவின் புதிய தலைமை நிர்வாக அதிகாரி மற்றும் நிர்வாக இயக்குநராக அவர் தற்போது நியமிக்கப்பட்டுள்ளார்.

இதையும் படிங்க : காங்கிரஸின் வாக்குறுதிகளில் ஒன்றையாவது பாஜக ஏற்குமா? ப.சிதம்பரம் கேள்வி

தனது நியமனம் பற்றிப் பேசிய ஸ்ரீநிவாஸ் பாலியா, புகழ்பெற்ற இந்நிறுவனத்தை வழிநடத்த, தான் தேர்ந்தெடுக்கப்பட்டது பெருமையளிப்பதாக கூறினார்.

மிகச்சிறந்த திட்டங்களையும், திறமைமிக்க பணியாளர்களையும் கொண்டுள்ளதால் வளர்ச்சியை எதிர்நோக்கியுள்ளதாகவும் அவர் குறிப்பிட்டார்.

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம். News 18 தமிழ் : வாட்ஸ் அப் சேனலை ஃபாலோ செய்யுங்கள்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…