சபா மாநிலத்தில் சுரங்க உரிமம் வழங்குவது தொடர்பாகச் சுமார் ரிம150,000 லஞ்சம் கேட்டுப் பெற்றதாகச் சந்தேகத்தின் பேரில் மற்றொரு சபா மாநில சட்டமன்ற உறுப்பினரை MACC கைது செய்துள்ளது.
ஆதாரங்களின்படி, சந்தேக நபர், 40 வயது மதிக்கத்தக்கவர், இன்று காலை 9.30 மணிக்குச் சபா எம்ஏசிசி அலுவலகத்தில் வாக்குமூலம் அளிக்க வந்தபோது கைது செய்யப்பட்டார்.
“சந்தேக நபர், உதவி அமைச்சராகவும் இருக்கிறார், 2023 மற்றும் 2024 ஆம் ஆண்டுகளில் இந்தச் செயலைச் செய்ததாக நம்பப்படுகிறது”.
“விசாரணையில், சந்தேக நபர் ‘டத்தோ’ என்ற பட்டப்பெயர் கொண்ட ஒருவரிடமிருந்து சுமார் ரிம 150,000 லஞ்சம் கேட்டுப் பெற்றதாகக் கூறப்படுகிறது, இது மாநிலத்தில் சுரங்க உரிமத்திற்கான விண்ணப்பத்தை நிர்வகிக்க உதவும் என்று கூறப்படுகிறது,” என்று அவர் கூறினார்.
இதற்கிடையில், எம்ஏசிசி தலைமை ஆணையர் அசாம் பாக்கி கைது செய்யப்பட்டதை உறுதிப்படுத்தினார், மேலும் இந்த வழக்கு எம்ஏசிசி சட்டம் 2009 இன் பிரிவு 16 (அ) (ஏ) இன் கீழ் விசாரிக்கப்பட்டு வருவதாகக் கூறினார்.
சந்தேக நபரின் வாக்குமூலம் MACCயின் ரிம 50,000 ஜாமீனில் ஒரு உத்தரவாதத்துடன் எடுக்கப்பட்ட பின்னர் விடுவிக்கப்பட்டதாகவும், விரைவில் அவர்மீது குற்றம் சாட்டப்படும் என்றும் அவர் கூறினார்.
ஜூன் 18 அன்று, “டத்தோ” என்ற பட்டப்பெயர் கொண்ட ஒரு தொழிலதிபரையும் சட்டமன்ற உறுப்பினரையும், அதே பிரச்சினையில் லஞ்சம் கேட்டுப் பெற்றதாகச் சந்தேகத்தின் பேரில் MACC கைது செய்ததாகத் தெரிவிக்கப்பட்டது.
வாக்குமூலங்களை வழங்கியபின்னர் இருவரும் முறையே ரிம 100,000 மற்றும் ரிம 50,000 ஜாமீனில் விடுவிக்கப்பட்டனர்.
