ஈரானிடம் இருக்கும் இந்த ஏவுகணையை தடுக்க எந்த நாட்டாலும் முடியாது… மண்ணைக் கவ்விய இஸ்ரேல்

இஸ்ரேலின் வான்பாதுகாப்பு அமைப்பான ஐயன் டாம் ஈரான் ஏவிய ராக்கெட்கள் மற்றும் ஏவுகணைகளை வானிலேயே இடைமறித்து சுட்டு வீழ்த்தியது. ஆனால், ஈரான் ஹைப்பர்சோனிக் மற்றும் பாலிஸ்டிக் ஏவுகணைகள் மூலம் தாக்கியபோது, இஸ்ரேலின் ஐயன் டாம் வான் பாதுகாப்பு அமைப்பால் கூட அதனைத் தடுக்க முடியாமல் அவை இலக்கை அடைந்தன.

குறிப்பாக கடந்த ஆண்டு அக்டோபர் மாதம் முதல் முறையாக பாலிஸ்டிக் மற்றும் ஹைப்பர்சோனிக் பயன்படுத்தி ஈரான் தாக்குதல் நடத்தியது. இதில், சுமார் 200 பாலிஸ்டிக் மற்றும் ஹைப்பர்சோனிக் ஏவுகணைகள் கொண்டு தாக்குதல் நடந்ததாகச் சொல்லப்படுகிறது. ஈரானின் இந்த ஹைப்பர்சோனிக் ஏவுகணைகளை இடைமறித்து தாக்கும் திறன் எந்த நாட்டிடமாவது இருக்கிறதா எனும் கேள்வி எழுந்துள்ளது.

இது குறித்து பேசியுள்ள டி.ஆர்.டி.ஓ. விஞ்ஞானியும், முன்னாள் செய்தித் தொடர்பாளருமான ரவி குப்தா, பாலிஸ்டிக் ஏவுகணைகளை கூட இனம் கண்டு மறிக்க முடியும். ஆனால், ஹைப்பர்சோனிக் ஏவுகணைகளை வான் பாதுகாப்பு அமைப்பால், கண்டறிந்து, இடைமறித்து அழிப்பது மிகவும் கடினமானது.

இஸ்ரேலின் பல பகுதிகளிலும் ஹைப்பர்சோனிக் ஏவுகணைகள் கடும் சேதத்தை ஏற்படுத்தியுள்ளன. தற்போதைய காலகட்டத்தில் ஹைப்பர்சோனிக் தான், மிகவும் வீரியம் மிக்க உயிர்க்கொல்லி ஆயுதம். ஹைப்பர்சோனிக், ஒரு மணி நேரத்தில் 6173 கி.மீ. தூரத்தை இந்த ஏவுகணை கடக்கும். அந்த அளவுக்கு வேகமானது. ஈரான் மற்றும் இஸ்ரேல் இடையேயான தாக்குதல் தூரம் வெறும் 2000 கி.மீ. தான். எனவே அது எவ்வளவு வேகத்தில் பயணித்திருக்கும் என்பதை யூகித்துப் பார்க்க வேண்டும்.

ஹைப்பர்சோனிக் ஏவுகணைகள் ஒலியைவிட ஐந்து மடங்கு வேகமாக பயணிக்கும் திறன்கொண்டவை. எனவே அதனை கண்டறிந்து இடைமறித்து தாக்க வேண்டும் என்றால், அதனைவிட பன்மடங்கு வேகமாக செயல்படும் வான்பாதுகாப்பு அமைப்பை உருவாக்க வேண்டும். ஆனால், தற்போதுவரை எந்த நாட்டிடமும், அவ்வளவு வேகத்துடன் செயல்படும் ஒரு வான்பாதுகாப்பு அமைப்பு இல்லை.