தமது பதிலடித் தாக்குதல்களை நிறுத்த இஸ்ரேலுக்கு(israel) உதவ வேண்டாம் என்று அமெரிக்கா(us), இங்கிலாந்து(uk) மற்றும் பிரான்ஸ்(france) ஆகிய நாடுகளை ஈரான்(iran) எச்சரித்துள்ளதாக ஈரானிய அரசு ஊடகங்களை மேற்கோள் காட்டி ரொய்ட்டர்ஸ் செய்தி நிறுவனம் தெரிவித்துள்ளது.
மூன்று நாடுகளும் இஸ்ரேலுக்கு ஆதரவளித்தால், பிராந்தியத்தில் அமைந்துள்ள இராணுவ தளங்கள் மற்றும் கப்பல்கள் மீது தாக்குதல்கள் நடத்தப்படும் என ஈரான் கடும் தொனியில் எச்சரித்துள்ளது.
ஈரானின் மிரட்டலுக்கு இங்கிலாந்தின் எதிர்வினை என்ன..!
இதேவேளை ஈரானின் மிரட்டலுக்கு இங்கிலாந்து பதிலளிக்கவில்லை, ஆனால் இன்று(14) காலை நிலவரப்படி, அந்தத் தாக்குதல்களுக்கு எதிராக இஸ்ரேலைப் பாதுகாக்கும் முயற்சிகள் உட்பட எந்த இராணுவ நடவடிக்கையிலும் இங்கிலாந்து பங்கேற்கவில்லை என தெரிவிக்கப்படுகிறது.
நேற்று(13) இஸ்ரேலிடமிருந்து அந்த வகையான உதவிக்காக இங்கிலாந்துக்கு எந்த கோரிக்கையும் விடுக்கப்படவில்லையென பிபிசி தெரிவித்துள்ளது.
கடந்த காலங்களில் இஸ்ரேலை ஆளில்லா விமானங்களால் ஈரான் தாக்கியபோது, சைப்ரஸிலிருந்து RAF டைபூன் ஜெட் விமானங்களை இங்கிலாந்து அனுப்பி அவற்றைச் சுட்டு வீழ்த்தியமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்…! |
