சென்னை: சென்னையில் ஆபரணத் தங்கத்தின் விலை வியாழக்கிழமை பவுனுக்கு ரூ. 640 உயா்ந்து ரூ. 72,800-க்கு விற்பனையாகிறது.
சென்னையில் கடந்த சில நாள்களாக தொடா்ந்து குறைந்துவந்த தங்கம் விலை, செவ்வாய்க்கிழமை பவுனுக்கு ரூ. 80 குறைந்து ரூ. 71,560-க்கு விற்பனையானது. அதைத் தொடா்ந்து புதன்கிழமை தங்கம் விலை கிராமுக்கு ரூ. 75 உயா்ந்து ரூ. 9,020-க்கும், பவுனுக்கு ரூ. 600 உயா்ந்து ரூ. 72,160-க்கும் விற்பனையானது.
இந்நிலையில், சென்னையில் இரண்டாவது நாளாக அதிரடியாக பவுனுக்கு ரூ.640 உயர்ந்துள்ளது.
அதன்படி, 22 காரட் தங்கம் கிராமுக்கு ரூ.80 உயர்ந்து, ஒரு கிராம் தங்கம் ரூ.9,100-க்கும், பவுனுக்கு ரூ.640 உயர்ந்து, ஒரு சவரன் தங்கம் ரூ.72,800-க்கும் விற்பனை செய்யப்படுகிறது.
வெள்ளி விலை
வெள்ளியின் விலை கிராமுக்கு பத்து காசுகள் குறைந்து ரூ.118.90-க்கும், கட்டி வெள்ளியின் விலை ரூ.100 குறைந்து ரூ.1,18,900-க்கும் விற்பனையாகிறது.
