உலகின் இளம் வயது பெண் கோடீஸ்வரர்.. அவரது நிகர மதிப்பு என்ன? தெரிந்தால் ஆச்சரியப்படுவீங்க!

உலகின் பணக்கார பெண்களில் ஒருவர் லூசி குவோ. 30 வயதான இவர் கார்னகி மெலன் பல்கலைக்கழகத்தில் பயின்றதாகவும், பாதியிலேயே வெளியேறியதாகவும் கூறப்படுகிறது. அவர் இப்போது பாஸ்ஸை (Passes) நடத்துகிறார். இது படைப்பாளர்களுக்கு ஆலோசனையைப் பகிர்ந்து கொள்ள உதவும் ஒரு தளமாகும். பாஸ்ஸை நிறுவுவதற்கு முன்பு, குவோ 2016-ல் அலெக்ஸாண்ட்ரா வாங்குடன் இணைந்து செயற்கை நுண்ணறிவு நிறுவனமான ஸ்கேல் AI-ஐ நிறுவினார். இருப்பினும், அவர் 2018-ல் அதை விட்டு 5 சதவீத பங்குகளைத் தக்க வைத்துக் கொண்டார்.

யார் இந்த லூசி குவோ?

1994-ல் பிறந்த குவோ, கலிபோர்னியாவின் ஃப்ரீமாண்டில் சீனக் குடியேற்ற பெற்றோரால் வளர்க்கப்பட்டார். ஒரு இணைய தொழில்முனைவோரான இவர், இரண்டாம் வகுப்பிலேயே குறியீட்டு முறையைத் தொடங்கினார். தனது டீனேஜ் வயதிலேயே, நியோபெட்ஸ் போன்ற ஆன்லைன் கேம்களுக்கான பாட்களை உருவாக்கி, உண்மையான பணத்திற்கு மெய்நிகர் பொருட்களை விற்பனை செய்து வந்தார். பின்னர் அவர் கணினி அறிவியல் படிக்க கார்னகி மெலன் பல்கலைக்கழகத்தில் பயின்றார்.

அவர் Facebook மற்றும் Snapchat நிறுவனங்களிலும் பணியாற்றியுள்ளார். குவோ பின்னர் Quora-வில் சேர்ந்தார். அங்கு அவர் அலெக்ஸாண்டர் வாங்கை சந்தித்தார். இருவரும் சேர்ந்து 2016-ல் Scale AI-ஐ இணைந்து நிறுவினர். வாங் தலைமை நிர்வாக அதிகாரியாகப் பணியாற்றியபோது குவோ செயல்பாடுகள் மற்றும் தயாரிப்பு வடிவமைப்பை வழிநடத்தியுள்ளார். அப்போது அவருக்கு 21 வயது மட்டுமே.

ஃபோர்ப்ஸின் கூற்றுப்படி, குவோவின் நிகர மதிப்பு 1.3 பில்லியன் அமெரிக்க டாலர்கள் (ரூ.11128) கோடி என்று தெரிவித்துள்ளது. ஒரு பில்லியனராக இருந்தபோதிலும் அவர் இன்னும் ஹோண்டா சிவிக் ஓட்டுகிறார். இவர் அமெரிக்காவின் கலிபோர்னியாவின் லாஸ் ஏஞ்சல்ஸில் வசிக்கிறார்.