அகமதாபாத்: யுடிடி (அல்டிமேட் டேபிள் டென்னிஸ்) சீசன் 6-ல் நேற்று அகமதாபாத்தில் நடைபெற்ற முதல் ஆட்டத்தில் கோவா சேலஞ்சர்ஸ், புனே ஜாகுவார்ஸ் அணியுடன் மோதியது. இதில் கோவா சேலஞ்சர்ஸ் 10-5 என்ற கணக்கில் வெற்றி பெற்றது.
முதலில் நடைபெற்ற ஆடவர் ஒற்றையர் ஆட்டத்தில் கோவா அணியின் ஹர்மீத் தேசாய், 2–1 (11–10, 11–9, 10–11) என்ற செட் கணக்கில் அல்வாரோ ரோபிள்ஸை வீழ்த்தினார். 2-வது நடைபெற்ற மகளிர் ஒற்றையர் ஆட்டத்தில் கோவா அணியின் கிருத்விகா சின்ஹா ராய் 2–1 (11–5, 5–11, 6–11) என்ற கணக்கில் ஸியோன் லீயை தோற்கடித்தார்.
3-வது நடைபெற்ற கலப்பு இரட்டையர் ஆட்டத்தில் கோவா அணியின் ஜெங் ஜியான்-ஹர்மீத் தேசாய் ஜோடி 3-0 (11-9, 11-5, 11-9) என்ற கணக்கில் புனே அணியின் ஸியோன் லீ, அனிர்பன் கோஷ் ஜோடியை வென்றது.
4-வது நடைபெற்ற ஆடவர் ஒற்றையர் ஆட்டத்தில் புனே அணியின் அனிர்பன் கோஷ் 2-1 (11-9, 8-11, 11-7) என்ற கணக்கில் கோவா அணயின் தியாகோ அப்பலோனியாவை தோற்கடித்தார். கடைசியாக நடைபெற்ற மகளிர் ஒற்றையர் ஆட்டத்தில் கோவா அணியின் ஜெங் ஜியான் 2-1 (10-11, 11-7, 11-4) என்ற செட் கணக்கில் ரீத் ரிஷ்யாவை வீழ்த்தினார்.
