திமுக வேட்பாளர்கள் மற்றும் கூட்டணி
திமுக சார்பில் வழக்கறிஞர் பி. வில்சன், கவிஞர் சல்மா, எஸ்.ஆர்.சிவலிங்கம் ஆகியோர் வேட்பாளர்களாக அறிவிக்கப்பட்டுள்ளனர். மேலும், திமுக கூட்டணியில் உள்ள மக்கள் நீதி மையத்திற்கு ஒரு இடம் ஒதுக்கப்பட்டு, அதன் தலைவர் கமல்ஹாசன் வேட்பாளராக நியமிக்கப்பட்டார். இவர்கள் அனைவரும் இன்று வேட்புமனு தாக்கல் செய்தனர். இந்நிகழ்ச்சியில் துணை முதலமைச்சர் உதயநிதி ஸ்டாலின், நாடாளுமன்ற உறுப்பினர்கள் கனிமொழி, டி.ஆர்.பாலு, தமிழ்நாடு காங்கிரஸ் கமிட்டி தலைவர் செல்வ பெருந்தகை, விடுதலை சிறுத்தைகள் தலைவர் திருமாவளவன், மதிமுக பொதுச்செயலாளர் வைகோ உள்ளிட்ட கூட்டணி கட்சித் தலைவர்கள் பங்கேற்றனர்.
