வலுவான குஜராத் அணியை தோற்கடித்த பஞ்சாப் கிங்ஸ்… கடைசி ஓவர் வரை நீடித்த பரபரப்பு… – News18 தமிழ்

ஐபிஎல் கிரிக்கெட் தொடரில் இன்று நடைபெற்ற குஜராத் மற்றும் பஞ்சாப் கிங்ஸ் அணிகளுக்கு இடையிலான போட்டியில் பஞ்சாப் கிங்ஸ் அணி 3 விக்கெட் வித்தியாசத்தில் குஜராத் டைட்டன்ஸ் அணியை தோற்கடித்தது. இந்த போட்டியில் ஆட்டம் கடைசி ஓவர் வரை நீடித்ததால் பரபரப்பு காணப்பட்டது.

ஐபிஎல் கிரிக்கெட் தொடரில் 17ஆவது போட்டியாக குஜராத் டைட்டன்ஸ் மற்றும் பஞ்சாப் கிங்ஸ் அணிகளுக்கு இடையிலான ஆட்டம் அகமதாபாத் நரேந்திர மோடி மைதானத்தில் இன்று நடைபெற்றது. இந்த போட்டியில் டாஸ் வென்ற பஞ்சாப் அணி பவுலிங்கை தேர்வு செய்தது. இதை அடுத்து குஜராத் அணியின் தொடக்க வீரர்களாக ரிதிமான் சாஹா மற்றும் சுப்மன் கில் ஆகியோர் களத்தில் இறங்கினர்.

11 ரன்களில் சாஹா வெளியேற அடுத்து வந்த வில்லியம்சன் 26 ரன்கள் சேர்த்தார். அதிரடியாக விளையாடிய சாய் சுதர்சன் 33 ரன்களும் ராகுல் தெவாட்டியா 23 ரன்களும் சேர்த்தனர். விக்கெட்டுகள் ஒரு பக்கம் விழுந்தாலும் நிலைத்து நின்று விளையாடிய கேப்டன் சுப்மான் கில் 48 பந்துகளில் 4 சிக்ஸர் 6 பவுண்டரியுடன் 89 ரன்கள் எடுத்து கடைசி வரை களத்தில் இருந்தார்.

20 ஓவர்கள் முடிவில் குஜராத் அணி 4 விக்கெட் இழப்புக்கு 199 ரன்கள் எடுத்தது. இதையடுத்து 200 ரன்கள் எடுத்தால் வெற்றி என்ற இலக்கை நோக்கி பஞ்சாப் அணி வீரர்கள் களத்தில் இறங்கினர். கேப்டன் ஷிகர் தவான் 1 ரன்னில் வெளியேறி அதிர்ச்சி கொடுத்தார்.

ஜானி பேர்ஸ்டோ 22 ரன்களும், பிரப்சிம்ரன் சிங் 35 ரன்களும் எடுத்தனர். மிடில் ஆர்டரில் களமிறங்கிய ஷஷாங்க் சிங் வெறும் 29 பந்துகளில் 4 சிக்ஸர் 6 பவுண்டரியுடன் 61 ரன்கள் சேர்த்து கடைசி வரை களத்தில் இருந்தார். அவருக்கு உறுதுணையாக அசுதோஷ் சர்மா 31 ரன்கள் சேர்த்தார்.

19.5 ஓவரில் 7 விக்கெட்டுகளை இழந்த பஞ்சாப் அணி வெற்றி இலக்கை எட்டியது. இந்த வெற்றியின் மூலமாக பஞ்சாப் அணி பாயிண்ட்ஸ் டேபிளில் 5-ஆவது இடத்திற்கு முன்னேறி உள்ளது. குஜராத் டைட்டன்ஸ் அணி 6 ஆவது இடத்தில் உள்ளது. இந்த நிலையில் சென்னை மற்றும் சன்ரைசர்ஸ் ஐதராபாத் அணிகள் மோதும் போட்டி நாளை ஐதராபாத்தில் நடைபெற உள்ளது.

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம். News 18 தமிழ் : வாட்ஸ் அப் சேனலை ஃபாலோ செய்யுங்கள்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…