என்னது… ரூபாய் நோட்டுகளால் செய்த நாற்காலியா…? அதில் உட்கார நீங்க தயாரா..?

ரூபாய் நோட்டுகளை அப்புறப்படுத்துவதற்கான பசுமை அணுகுமுறை:

சமீபத்தில் வெளியான ஆண்டுவாரியான அறிக்கையின்படி, சுற்றுச்சூழலைப் பாதுகாக்கும் பொருட்டு, ரூபாய் நோட்டுகளை மரச்சாமான்களாக மறுசுழற்சி செய்வதற்கான முயற்சியில் RBI ஈடுபட்டுள்ளது. சுற்றுச்சூழலுக்குச் சாதகமாக அமையும் இந்தப் பொருள்களை உற்பத்தி செய்வதற்கான திறன்கள் கொண்ட உற்பத்தியாளர்களுடன் ரிசர்வ் பேங்க் ஆஃப் இந்தியா பேச்சுவார்த்தையில் ஈடுபட்டு வருகிறது.

ஒவ்வொரு ஆண்டும் 15,000 டன் ரூபாய் நோட்டு கழிவுகள்:

RBI 2024-25 அறிக்கையின்படி, இந்தியாவானது ஒவ்வொரு ஆண்டும் 15,000 டன் அளவிலான ரூபாய் நோட்டு கழிவுகளை உருவாக்குவதாகச் சொல்லப்பட்டுள்ளது. பாரம்பரிய முறைப்படி இந்த நோட்டுகள் ஒன்று எரிக்கப்படும் அல்லது குப்பைகளோடு சேர்த்துப் புதைக்கப்படும். எனினும், இது சுற்றுச்சூழலுக்குக் குறைபாடுகளை ஏற்படுத்தக் கூடிய முறைகளாகக் கருதப்படுகிறது. எனவே, இதற்குச் சுற்றுச்சூழலுக்குத் தோதான தீர்வுகளைக் கண்டுபிடிப்பதற்காக RBI வுட்டன் சயின்ஸ் அண்ட் டெக்னிக்கல் இன்ஸ்டிடியூட் உடன் இணைந்துள்ளது.

இந்த வுட்டன் சயின்ஸ் அண்ட் டெக்னிக்கல் இன்ஸ்டிடியூட் என்பது மத்திய சுற்றுச்சூழல், வன மற்றும் பருவநிலை மாற்ற அமைச்சகத்தின் கீழ் இயங்கும் ஒன்று. ரூபாய் நோட்டு கழிவுகள் மூலமாகச் செய்யப்படும் இந்த மரப்பலகைகள் தேவையான தொழில்நுட்பத் தர நிலைகளைப் பூர்த்தி செய்வதாக இவர்களுடைய ஆய்வில் உறுதி செய்யப்பட்டுள்ளது. அதன் விளைவாகத் தற்போது RBI உற்பத்தியாளர்களுடன் இணைந்து மறுசுழற்சி செய்யப்பட்ட ரூபாய் நோட்டு கழிவுகளை மரத்துகள்களாக மாற்றவுள்ளது.

ரிசர்வ் பேங்க் ஆஃப் இந்தியாவின் ரூபாய் நோட்டு நிர்வாகிப்புத் துறையானது, தொடர்ந்து ரூபாய் நோட்டு கழிவுகளை அப்புறப்படுத்துவதற்கான சுற்றுச்சூழலுக்குத் தோதான முறைகளைக் கண்டுபிடித்து வருகிறது. ரூபாய் நோட்டுகளில் உள்ள மை, ஃபைபர், பாதுகாப்பு நூல்கள் மற்றும் கெமிக்கல்கள் ஆகியவை இருக்கும் காரணத்தால் இதனை மறுசுழற்சி செய்வதற்கு ஒரு நிலையான முறை தேவை. இந்தப் புதிய அணுகுமுறை மூலமாகப் பழைய ரூபாய் நோட்டுகளை அப்புறப்படுத்துவது சுற்றுச்சூழலுக்கு உகந்ததாக அமையும் என்று நம்பப்படுகிறது.