தமிழ்நாட்டில் ஹாக்கிக்கு இது தாய்மண்… கோவில்பட்டியில் களைகட்டிய அகில இந்திய போட்டி…

இதில் 8 அணிகள் கால் இறுதிப் போட்டிக்குத் தகுதி பெற்றன. இதில் வெற்றி பெற்ற 4 அணிகள் அரையிறுதிப் போட்டியில் விளையாடின. முதல் அரையிறுதிப் போட்டியில் நியூடெல்லி பஞ்சாப் நேஷனல் வங்கி அணியும், நியூடெல்லி மத்திய நேரடி வரிகள் வாரிய அணியும் மோதின.

போட்டி தொடங்கியது முதல் இரு அணிகளும் சம பலத்துடன், தங்களது ஆக்ரோஷமான ஆட்டத்தை வெளிப்படுத்தினர். இதில் இரு அணிகளும் 2:2 என்ற கோல் கணக்கில் சமன் பெற்ற நிலையில், சூட் அவுட் முறை கடைப்பிடிக்கப்பட்டு, அதில் 4:2 என்ற (மொத்தம் 6:4) கோல் கணக்கில் நியூடெல்லி மத்திய நேரடி வரிகள் வாரிய அணி வெற்றி பெற்று இறுதிப் போட்டிக்குத் தகுதி பெற்றது.

இரண்டாவது அரையிறுதிப் போட்டியில் புபனேஸ்வர் நிஸ்வாஸ் ஹாக்கி கழக அணியும் – செகந்திராபாத் சவுத் சென்ட்ரல் ரயில்வே அணியும் மோதின. போட்டி தொடங்கியது முதல் புபனேஸ்வர் நிஸ்வாஸ் ஹாக்கி கழக அணி வீரர்கள் ஆதிக்கம் செலுத்தினர். ஆட்டத்தின் இறுதியில் 2:0 என்ற கோல் கணக்கில் புபனேஸ்வர் நிஸ்வாஸ் ஹாக்கி கழக அணி வெற்றி பெற்றது.