இரட்டை சதம் விளாசிய கருண் நாயர்.. இங்கிலாந்தில் அசத்தும் இந்தியா ஏ அணி

இந்திய அணியின் இளம் வீரர்கள் இந்த தொடருக்கு தேர்வு செய்யப்பட்டிருந்தனர். இந்த போட்டியில் டாஸ் வென்ற இங்கிலாந்து லயன்ஸ் அணியின் கேப்டன் ஜேம்ஸ் ரியூ பவுலிங்கை தேர்வு செய்தார்.

இதையடுத்து இந்தியா ஏ அணி பேட்டிங்கை தொடங்கியது. நேற்றைய ஆட்ட நேர முடிவில் இந்தியா ஏ அணி 3 விக்கெட் இழப்புக்கு 409 ரன்கள் குவித்திருந்தது. அதிகம் எதிர்பார்க்கப்பட்ட கருண் நாயர் 186 ரன்கள் எடுத்திருந்தார். சர்ப்ராஸ் கான் 92 ரன்கள் எடுத்தும், யஷஸ்வி ஜெய்ஸ்வால் 24 ரன்களும் எடுத்திருந்து ஆட்டமிழந்தனர்.

இதைத் தொடர்ந்து இன்று 2 ஆம் நாள் ஆட்டம் நடைபெற்றபோது சிறப்பான ஆட்டத்தை வெளிப்படுத்திய கருண் நாயர் இரட்டை சதம் விளாசினார். 281 பந்துகளை எதிர்கொண்ட அவர் 204 ரன்கள் குவித்து ஆட்டமிழந்தார். துருவ் ஜுரெல் 94 ரன்கள் எடுத்து வெளியேறினார்.

முதல் இன்னிங்ஸில் இந்தியா ஏ அணி அனைத்து விக்கெட்டுகளையும் இழந்து 557 ரன்கள் எடுத்திருந்தது. இதையடுத்து களம் இறங்கிய இங்கிலாந்து அணி 49 ஓவர்கள் முடிவில் 2 விக்கெட் இழப்புக்கு 221 ரன்கள் எடுத்து விளையாடி வருகிறது.