பிரான்ஸ் அதிபருக்கும் அவரது மனைவிக்கும் இடையே என்ன நடந்தது? வைரல் வீடியோவின் பின்னணி என்ன?

இந்நிலையில், அவர் வியட்நாம் விமான நிலையத்தில் இறங்கியபோது நடந்த ஒரு சம்பவம் இணையத்தில் வைரலாக பரவிவருகிறது. அந்த வீடியோவில், இமானுவேல் மேக்ரான் கன்னத்தில் அவரது மனைவி பிரிஜிட் மேக்ரான் அறைவது போல் பதிவாகியுள்ளது. இந்த வீடியோதான் தற்போது இணையத்தில் வைரலாகிவருகிறது.

நேற்று வியட்நாம் விமானநிலையத்தில் பிரான்ஸ் அதிபர் இமானுவேல் மேக்ரான் விமானம் வந்ததும், வெளியே வருவதற்கு அவர் தயாராக இருந்தார். அவர் வருகையை பதிவு செய்வதற்காக ஊடகங்களும், அவரை வரவேற்க அதிகாரிகளும் கீழே தயாராக இருந்தனர். அந்தச் சமயத்தில் விமான கதவு திறக்கப்பட்டபோது, உள்ளே பிரான்ஸ் அதிபர் இமானுவேல் மேக்ரானின் கன்னத்தில் அவரது மனைவி பிரிஜிட் மேக்ரான் அறைந்தார்.

இது கீழே வரவேற்க நின்றவர்களுக்கும், ஊடகங்களுக்கும் அதிர்ச்சியை கொடுத்தது. ஆனால், சூழ்நிலையை உணர்ந்த அதிபர் இமானுவேல் மேக்ரான் எதுவும் நடக்காததுபோல் ஊடகங்களுக்கும், வரவேற்க நின்றவர்களுக்கு சிரித்த முகத்துடன் தனது கையை தூக்கி அசைத்து காட்டினார்.

பின்னர் விமானத்தில் இருந்து இறங்கிய இமானுவேல் மேக்ரானும், அவரது மனைவி பிரிஜிட் மேக்ரானும் சற்று இறுகிய முகத்துடனும், இருவரும் ஒருவர் கை ஒருவர் கோர்க்காமலும் வரவேற்பை ஏற்றுக்கொண்டனர். தற்போது இந்த வீடியோ சமூகவலைத்தளங்களில் வைரலாகிவருகிறது.