கடந்த ஆண்டு மே மாதம் தேசிய கால்பந்து வீரர் பைசல் ஹலீம் மீது நடத்தப்பட்ட ஆசிட் வீச்சு தொடர்பான விசாரணை, மேற்கொண்டு நடவடிக்கை எடுக்கப்படாது (NFA) என வகைப்படுத்தப்பட்டுள்ளதாக அவரது வழக்கறிஞர் தெரிவித்துள்ளார். பிப்ரவரி 18 தேதியிட்ட கடிதம் மூலம் சட்டத்துறைத் தலைவர் அலுவலகம் (AGC) இந்த முடிவைத் தெரிவித்ததாக நிக் ஸரித் நிக் மௌஸ்ட்பா கூறினார்.
இந்த வழக்கில் எந்தவொரு நபரையும் சந்தேக நபராக இணைக்கக்கூடிய எந்த தடயங்களையும் காவல்துறையால் கண்டுபிடிக்க முடியவில்லை என்று அந்தக் கடிதத்தில் குறிப்பிடப்பட்டுள்ளது. இந்த இலக்கை நோக்கி மேற்கொள்ளப்பட்ட அனைத்து முயற்சிகளும் தோல்வியடைந்துள்ளன. விசாரணையின் முடிவில் எங்கள் கட்சிக்காரர் (ஃபைசல்) ஏமாற்றமடைந்தார் என்று அவர் இன்று ஒரு செய்தியாளர் கூட்டத்தில் தெரிவித்தார்.
