ஆறு பேர் கொண்ட குடும்பத்தை ஆதரிக்க முடியாமல் இருக்கும் மோகன்ராம் அச்சுதனைச் லெம்பா பந்தாய் நாடாளுமன்ற உறுப்பினர் ஃபஹ்மி ஃபட்சில் இன்று சந்தித்தார். பிகேஆர் தகவல் தலைவரான ஃபஹ்மி, உதவி, உணவுப் பொருட்களை வழங்க மோகன்ராமைச் சந்தித்தார். குடும்பத்தின் ஒரே வருமானம் ஈட்டும் 62 வயதான கட்டுமானத் தொழிலாளிக்கு 2022இல் பக்கவாதம் ஏற்பட்டதாக கடந்த மாதம் எஃப்எம்டி செய்தி வெளியிட்டது.
இந்தப் பக்கவாதத்தால் நான்கு குழந்தைகளின் தந்தை பேசவோ, படிக்கவோ, எழுதவோ முடியாமல் போனதுடன், நினைவாற்றல் இழப்பாலும் அவதிப்பட்டார். அந்தக் குடும்பம் வெளியேற்றப்படும் நிலையில் இருந்தது. மேலும் அவர்களால் கல்விக் கட்டணத்தையோ அல்லது அடுத்த உணவையோ கூட வாங்க முடியவில்லை. மோகன்ராமின் நண்பர்களில் ஒருவரான ரவீந்திரன் ராமன் குட்டி கடந்த நான்கு மாதங்களாக அவர்களுக்கு நிதி உதவி செய்து வருகிறார்.
கூட்டு நிதி மூலம், அவர் RM8,173 திரட்ட முடிந்தது. இது வீட்டு வாடகை, பள்ளிச் செலவுகள் மற்றும் கொடுப்பனவுகளை ஈடுகட்டப் பயன்படுகிறது. தனித்தனியாக, மலேசியாவின் சூரியானா நலச் சங்கம் குறுகிய காலத்தில் அத்தியாவசியப் பொருட்களை வழங்குவதன் மூலம் உதவ முன்வந்துள்ளது. குழந்தைகள் தங்கள் சொந்தக் காலில் நிற்கும் வரை, அடுத்த மூன்று முதல் நான்கு ஆண்டுகளுக்கு குடும்பத்தைப் பாதுகாக்க 190,000 ரிங்கிட்டை திரட்டுவதை இந்த அரசு சாரா நிறுவனம் நோக்கமாகக் கொண்டுள்ளது.
