பேட்டிங்கில் தடுமாறிய மும்பை அணி… ராஜஸ்தான் வெற்றி பெற 126 ரன்கள் இலக்கு… – News18 தமிழ்

ஐபிஎல் கிரிக்கெட் தொடரில் ராஜஸ்தான் அணிக்கு எதிரான ஆட்டத்தில் மும்பை அணி பேட்டிங்கில் தடுமாறியது. 20 ஓவர்கள் முடிவில் 9 விக்கெட்டுகளை இழந்த மும்பை அணி 125 ரன்கள் எடுத்துள்ளது. இதையடுத்து 126 ரன்கள் எடுத்தால் வெற்றி என்ற இலக்கை நோக்கி மும்பை அணியின் பேட்ஸ்மேன்கள் களம் இறங்கியுள்ளனர்.

ஐபிஎல் கிரிக்கெட் தொடரில் மும்பை மற்றும் ராஜஸ்தான் அணிகள் மோதும் போட்டி மும்பையில் தற்போது நடைபெற்று வருகிறது. டாஸ் வென்ற ராஜஸ்தான் அணி கேப்டன் சஞ்சு சாம்சன் பவுலிங்கை தேர்வு செய்தார்.

இதையடுத்து களம் இறங்கிய மும்பை அணியின் பேட்ஸ்மேன்கள் ரோஹித் சர்மா, நமன் திர், டெவால்ட் ப்ரூவிஸ் ஆகியோர் ரன் ஏதும் எடுக்காமல் ஆட்டமிழந்தனர்.  தொடக்க வீரர் இஷான் கிஷன் 16 ரன்கள் சேர்த்தார்.

3.3 ஓவரில் மும்பை அணி 20 ரன்களுக்கு 4 விக்கெட்டுகளை இழந்தது. இதனால் தள்ளாடிய மும்பை அணியை கேப்டன் ஹர்திக் பாண்ட்யா மற்றும் திலக் வர்மா ஆகியோர் மீட்டெடுக்க முயற்சித்தனர். பாண்ட்யா 34 ரன்களும், திலக் வர்மா 32 ரன்களும் சேர்த்து ஆட்டமிழந்தனர்.

டிம் டேவிட் 17 ரன்கள் சேர்க்க 20 ஓவர்கள் முடிவில் 9 விக்கெட்டுகளை இழந்த மும்பை அணி 125 ரன்கள் எடுத்துள்ளது. இதையடுத்து 126 ரன்கள் எடுத்தால் வெற்றி என்ற எளிதான இலக்கை நோக்கி ராஜஸ்தானி அணியின் பேட்ஸ்மேன்கள் களம் இறங்கியுள்ளனர்.

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம். News 18 தமிழ் : வாட்ஸ் அப் சேனலை ஃபாலோ செய்யுங்கள்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…