Last Updated:
கொல்கத்தா அணிக்கு இன்னும் 4 போட்டிகள் மீதமுள்ளன. இவை அனைத்திலும் அந்த அணி வெற்றி பெற்றால் ப்ளே ஆப் சுற்றுக்கு செல்லும் வாய்ப்பு அதிகரிக்கும்.
20 ஓவர் போட்டிகளில் ஒரே அணிக்காக விளையாடி அதிக விக்கெட்டுகளை வீழ்த்திய வீரர் என்ற சாதனையை கொல்கத்தா நைட் ரைடர்ஸ் அணியின் சுனில் நரைன் ஏற்படுத்தியுள்ளார்.
கொல்கத்தா அணியில் கடந்த 2012 ஆம் ஆண்டு நரைன் இணைந்தார். அந்த அணிக்காக 195 போட்டிகளில் விளையாடியுள்ள அவர் 208 விக்கெட்டுகளை கைப்பற்றி சாதனை படைத்துள்ளார். ஐபிஎல் கிரிக்கெட் தொடர் தற்போது விறுவிறுப்பாக நடைபெற்று வருகிறது. நேற்று நடந்த போட்டியில் கொல்கத்தா நைட் ரைடர்ஸ் அணி டெல்லி கேப்பிட்டல்ஸ் அணியை 14 ரன்கள் வித்தியாசத்தில் வீழ்த்தியது.
இதன் மூலம் கொல்கத்தா ஐபிஎல் பிளே ஆப் சுற்றுக்கு செல்வதற்கான வாய்ப்பை தக்க வைத்துக் கொண்டுள்ளது. 10 போட்டிகளில் விளையாடி உள்ள அந்த அணி 4 போட்டிகளில் வெற்றி பெற்றது மற்றும் ஒரு போட்டி கைவிடப்பட்டது என மொத்தம் 9 புள்ளிகளை பெற்றுள்ளது. கொல்கத்தாவுக்கு முன்பாக லக்னோ, பஞ்சாப் கிங்ஸ், டெல்லி கேப்பிட்டல்ஸ், குஜராத் டைட்டன்ஸ், மும்பை இந்தியன்ஸ், ராயல் சேலஞ்சர்ஸ் பெங்களூரு ஆகிய அணிகள் உள்ளன.
நேற்று நடந்த ஆட்டத்தில் சிறப்பான திறமையை வெளிப்படுத்திய சுனில் நரைன் பேட்டிங் மற்றும் பவுலிங் ஜொலித்து ஆட்டநாயகன் விருதை பெற்றார். அதிரடியாக 27 ரன்கள் குவித்த சுனில் நரைன், 4 ஓவர்கள் வீசி 29 ரன்கள் மட்டுமே விட்டுக் கொடுத்து மூன்று முக்கிய விக்கெட்டுகளை கைப்பற்றினார்.
கொல்கத்தா அணிக்காக சுனில் நரைன் 14 ஆண்டுகளைக் கடந்து விளையாடி வருகிறார் என்பது கவனிக்கத்தக்கது. கொல்கத்தா அணிக்கு இன்னும் 4 போட்டிகள் மீதமுள்ளன. இவை அனைத்திலும் அந்த அணி வெற்றி பெற்றால் ப்ளே ஆப் சுற்றுக்கு செல்லும் வாய்ப்பு அதிகரிக்கும்.
April 30, 2025 5:40 PM IST
