ஹவுசிங் லோன் வாங்குற ப்ளானா? பஞ்சாப் நேஷனல் வங்கி அதிரடி ஆஃபர்!

கடுமையான போட்டிக்கு மத்தியில் பஞ்சாப் நேஷனல் வங்கி, தனது சந்தைப் பங்கை அதிகரிக்க முயற்சித்து வருகிறது. அந்த வகையில், நிர்மான் 2025 (NIRMAAN 2025) என்கிற புதிய திட்டத்தின் மூலம், கடன் வழங்குவதில் குறிப்பிடத்தக்க மாற்றத்தை கொண்டுவருவதன் மூலம் தாக்கத்தை ஏற்படுத்த முடியும் என்று பஞ்சாப் நேஷனல் வங்கி எதிர்பார்த்து வருகிறது.

பஞ்சாப் நேஷனல் வங்கி (PNB), அதன் சமீபத்திய கடன் வழங்கும் முயற்சியான ‘நிர்மான் 2025’ (NIRMAAN 2025) இன் பிரச்சாரத்தை தொடங்கியுள்ளது. இந்த திட்டமானது, இனி வரும் காலத்தில், வீடு வாங்குபவர்கள், கார் வாங்குபவர்கள் மற்றும் மாணவர்களை ஈர்க்கும் வகையில் உருவாக்கப்பட்டுள்ளது. இந்த திட்டத்தின் மூலம் வீடு மற்றும் காருக்கு கடன் பெறுபவர்களுக்கு ஜீரோ பிராசசிங் கட்டணத்தையும் அறிவித்துள்ளது.

குறிப்பிட்ட காலக்கெடு வரை வழங்கப்படும் இந்த சலுகையில், ஆவணக் கட்டணங்கள் மற்றும் வில்லங்கச் சான்றிதழ்களுக்கான (NEC) கட்டணங்ளும் தள்ளுபடி செய்யப்படும் மற்றும் ஒரு குறிப்பிட்ட தொகைக்கு மேல் வீட்டுக் கடன் வாங்குபவர்களுக்கு சட்ட மற்றும் மதிப்பீட்டு சேவைகள் இலவசமாக வழங்கப்படும் என்றும் குறிப்பிட்டுள்ளது. மேலும், வாடிக்கையாளர்கள் வீடு, கார் மற்றும் கல்விக் கடன்களுக்கான வட்டி விகிதத்தில் 5 அடிப்படைப் புள்ளிகள் வரை சலுகையாகப் பெறலாம் என்பதால், இந்தத் திட்டத்தின் மீதான எதிர்பார்ப்பு அதிகரித்திருக்கிறது.

ரெப்போ ரேட்டுடன் இணைக்கப்பட்ட கடன் விகிதமானது (RLLR), ஏப்ரல் 10, 2025 முதல் முந்தைய 8.90% இலிருந்து 8.65% ஆக சரிசெய்யப்பட்டுள்ளது. இந்த சரிசெய்தல் தற்போதைய 6.00% ரெப்போ விகிதத்தை குறிக்கிறது, இதன்மூலம் கூடுதலாக, 2.65% மார்க்-அப் கிடைக்கும். இதன் விளைவாக, வீடு, ஆட்டோ மற்றும் குறு, சிறு மற்றும் நடுத்தர நிறுவனங்களுக்கான (MSME) கடன்கள் உட்பட தனிநபர் கடன்களுக்கான மாற்றமடையும் கடன் விகிதம் 8.85% ஆக நிர்ணயிக்கப்பட்டுள்ளது.

“ரெப்போ-இணைக்கப்பட்ட கடன் விகிதம்” என்ற சொல், அக்டோபர் 2019 இல் இந்திய ரிசர்வ் வங்கி (RBI) வெளியிட்ட சுற்றறிக்கையால் வெளிப்புற அளவுகோலான ரெப்போ விகிதத்துடன் இணைக்கப்பட்ட வட்டி விகிதத்தைக் குறிக்கிறது. இந்த மூலோபாய நடவடிக்கையால் பஞ்சாப் நேஷனல் வங்கி, கடன் சந்தையில் போட்டித்தன்மையை உறுதி செய்கிறது.

ஏப்ரல் 1, 2025 நிலவரப்படி, புதுப்பிக்கப்பட்ட நிதி அடிப்படையிலான கடன் விகிதமானது (MCLR), அதன் தவணைக் காலங்களுக்கு 8.40% முதல் மூன்று ஆண்டுகளுக்கு 9.35% வரை இருக்கும். இந்த திருத்தப்பட்ட விகிதங்கள், பஞ்சாப் நேஷனல் வங்கி அதன் வாடிக்கையாளர்களுக்கு மிகவும் சாதகமான கடன் விருப்பங்களை வழங்குவதற்கான முயற்சியின் ஒரு பகுதியாகும்.

கடுமையான போட்டிக்கு மத்தியில் பஞ்சாப் நேஷனல் வங்கி, தனது சந்தைப் பங்கை அதிகரிக்க முயல்வதால், நிர்மான் 2025 கடன் முயற்சி குறிப்பிடத்தக்க தாக்கத்தை ஏற்படுத்தும் என்று எதிர்பார்க்கப்படுகிறது. இந்தத் துறையை பொறுத்தவரையில், முக்கிய போட்டியாளர்களாக, ஸ்டேட் பாங்க் ஆஃப் இந்தியா மற்றும் ஐசிஐசிஐ வங்கி போன்றவை முக்கிய அங்கம் வகிக்கின்றன. வாடிக்கையாளர்களை கவர முன்னணி வங்கிகள் அனைத்துமே தங்களது கடன் உத்திகளில் மாற்றம் செய்து வருவதில் மும்முரம் காட்டி வருகின்றனர்.

நிர்மான் 2025 திட்டத்தின் பலன்களைப் பெற விரும்பும் வாடிக்கையாளர்கள், அருகிலுள்ள எந்த பஞ்சாப் நேஷனல் வங்கியையும் பார்வையிடுவதன் மூலமோ அல்லது பிஎன்பி ஒன் (PNB One) மொபைல் ஆப் அல்லது வலைத்தளம் வழியாக டிஜிட்டல் தளத்தைப் பயன்படுத்துவதன் மூலமோ விண்ணப்பிக்கலாம்.

டிஜிட்டல் விண்ணப்ப செயல்முறை, விரைவான ஒப்புதல்கள் மற்றும் தடையற்ற ஆவணங்களை உறுதி செய்வதற்காக வடிவமைக்கப்பட்டுள்ளது, இது கடன் கையகப்படுத்தல் செயல்முறையை மிகவும் வசதியாக மாற்றுகிறது. வாடிக்கையாளர்களை மையமாகக் கொண்ட சேவைகள் மற்றும் தீர்வுகளை வழங்குவதற்கும், நிதிச் சேவைத் துறையில் அதன் நிலையை வலுப்படுத்துவதற்கும் பஞ்சாப் நேஷனல் வங்கியின் உறுதிப்பாட்டுடன் இந்த முயற்சி ஒத்துப்போகிறது.