Last Updated:
போதுமான விழிப்புணர்வு இல்லாமை, தகவல்கள் குறித்து அப்டேட்டாக இல்லாமல் இருத்தல் போன்ற காரணங்களால் பல யூசர்கள் கிரெடிட் கார்டு பலன்களை பயன்படுத்துவது இல்லை என்பது ஆய்வு மூலமாக கண்டறியப்பட்டுள்ளது.
கிரெடிட் கார்டுகள் மூலம் கிடைக்கும் பல்வேறு நன்மைகளை கிட்டத்தட்ட 70 சதவீத இந்திய கிரெடிட் கார்டு யூசர்கள் பயன்படுத்துவது கிடையாது என்று சமீபத்தில் நடத்தப்பட்ட ஒரு ஆய்வில் தெரியவந்துள்ளது. இதனால், அவர்கள் பணத்தை சேமிக்கக் கிடைக்கும் வாய்ப்பை தவற விடுகிறார்கள் என்று சொல்லப்படுகிறது. சேவ்சேஜ் நிறுவனம் “கிரெடிட் கார்டு ரிவார்ட்ஸ் பிஹேவியர் சர்வே 2025” என்ற ஆய்வை இந்த வருடம் பிப்ரவரி மற்றும் மார்ச் மாதத்திற்கு இடையே நடத்தியது.
இதில், இந்தியாவின் முன்னணி 9 நகரங்களைச் சேர்ந்த 5,000-க்கும் மேற்பட்ட கிரெடிட் கார்டு யூசர்களின் பதில்கள் ஆய்வு செய்யப்பட்டன. அதில், இந்தியாவில் மட்டுமே 109 மில்லியனுக்கும் அதிகமான நபர்கள் ஆக்டிவாக கிரெடிட் கார்டுகளை பயன்படுத்தி வருவது தெரியவந்தது. மேலும், இதன் மூலமாக கடன் அடிப்படையில் ஆன செலவு செய்தல் அதிகரித்து இருப்பது தெரியவந்துள்ளது.
போதுமான விழிப்புணர்வு இல்லாமை, தகவல்கள் குறித்து அப்டேட்டாக இல்லாமல் இருத்தல் போன்ற காரணங்களால் பல யூசர்கள் கிரெடிட் கார்டு பலன்களை பயன்படுத்துவது இல்லை என்பதும் இந்த ஆய்வு மூலமாக கண்டறியப்பட்டது.
ஆய்வு மூலமாக கிடைத்த முக்கியமான தகவல்கள்:
- 50 சதவீத யூசர்கள் தங்களுடைய ரிவார்டுகளை தகுந்த முறையில் பயன்படுத்திக் கொள்வது கிடையாது. அடிப்படையான கேஷ்பேக் பயன்படுத்துவது போல பயண சலுகைகள் அல்லது பார்ட்னர் டீல்கள் போன்றவற்றை யூசர்கள் தவற விடுகின்றனர்.
- 50 சதவீத யூசர்கள் தங்களுடைய ரிவார்டு பாயிண்டுகளை காலாவதியாக விட்டு விடுகின்றனர். இது பெரும்பாலும் சரியான கண்காணிப்பு இல்லாமல் அல்லது விழிப்புணர்வு இல்லாமையால் ஏற்படுகிறது.
- 60% யூசர்கள் ஏர்போர்ட் லான்ச் அனுமதி, டிராவல் இன்சூரன்ஸ், கோல்ஃப் வசதிகள் போன்ற பிரீமியம் பலன்கள் குறித்து தெரிந்து வைத்துக் கொள்வது இல்லை.
- எக்கச்சக்க பலன்கள் வழங்கப்பட்ட போதிலும் 55 சதவீத தினசரி டிரான்ஸாக்ஷன்கள் UPI அல்லது கேஷ் மூலமாக செய்யப்படுகின்றன. அதாவது, கிரெடிட் கார்டுகள் முழு வீச்சாக பயன்படுத்தப்படவில்லை.
- 60% யூசர்கள் கிரெடிட் கார்டுகள் பற்றி தெரிந்து கொள்வதற்கு சோஷியல் மீடியா இன்ஃப்ளுயன்சர்கள் வழங்கும் ஆலோசனைகளை நம்பி இருக்கின்றனர். இதனால் அவர்களுக்கு தகுந்த பொருளாதார வழிகாட்டுதல் கிடைப்பது இல்லை.
- சிறந்த பலன்களுக்காக 65 சதவீத கிரெடிட் கார்டு யூசர்கள் வேறு கிரெடிட் கார்டுக்கு மாறுவதற்கு தயாராக உள்ளனர்.
இதையும் படிக்க: Credit Card Payments | கிரெடிட் கார்டு பேமென்ட் பண்ண அடிக்கடி மறந்து போயிடுறீங்களா…? அப்படின்னா இதை செய்யுங்க…!
“கிரெடிட் கார்டு ரிவார்டுகளை பயன்படுத்துவதற்கான சரியான கருவிகள் அல்லது அறிவுத்திறன் இல்லாத காரணத்தால் பெரும்பாலான இந்தியர்கள் பணத்தை சரியான முறையில் பயன்படுத்துவது இல்லை என்பதை இந்த ஆய்வு கண்டுபிடிப்புகள் உறுதிப்படுத்துகின்றன” என்று சேவ்சேஜ்-ஐ சேர்ந்த அதிகாரி ஆஷிஷ் லாத் கூறுகிறார். “ஒவ்வொரு கிரெடிட் கார்டு யூசரும் தங்களுடைய கிரெடிட் கார்டுகளை முழுமையாக பயன்படுத்த உதவி செய்வதே எங்களுடைய நோக்கம்” என்றும் அவர் தெரிவித்துள்ளார்.
April 22, 2025 2:18 PM IST
70% கிரெடிட் கார்டு யூசர்கள் ரிவார்டு பாயின்ட்களை பயன்படுத்துவது இல்லை…! அதிர்ச்சியூட்டும் ஆய்வு தகவல்…
