IPL 2025 : கடைசி பந்துவரை நீடித்த த்ரில்லர் ஆட்டம்.. 2 ரன்கள் வித்தியாசத்தில் ராஜஸ்தானை வென்றது லக்னோ

இதையடுத்து அந்த அணியின் தொடக்க வீரர்களாக மிட்செல் மார்ஷ் மற்றும் எய்டன் மார்க்ரம் களமிறங்கினர். மார்ஷ் 4 ரன்களிலும் அடுத்து வந்த பூரன் 11 ரன்னிலும் வெளியேறினர். கேப்டன் ரிஷப் பந்த் 3 ரன்கள் எடுத்து விக்கெட்டை பறிகொடுத்தார்.

7.4 ஓவர்களில் லக்னோ அணி 3 விக்கெட்டுகளை இழந்து 54 ரன்கள் மட்டுமே எடுத்திருந்தது. அப்போது இணைந்த மார்க்ரம் – ஆயுஷ் பதோனி இணை பொறுப்புடன் விளையாடி ரன்களை சேர்த்தது. 3 சிக்சர் 5 பவுண்டரியுடன் 45 பந்துகளில் 66 ரன்கள் எடுத்து மார்க்ரம் ஆட்டமிழந்தார்.

34 பந்துகளில் 1 சிக்சர் 5 பவுண்டரியுடன் 50 ரன்கள் எடுத்து ஆயுஷ் பதோனி வெளியேறினார். கடைசி ஓவரில் அப்துல் சமத் 4 சிக்சர் விளாச 20 ஓவர்கள் முடிவில் 5 விக்கெட்டுகளை இழந்த லக்னோ அணி 180 ரன்கள் எடுத்தது.

இதையடுத்து 181 ரன்கள் எடுத்தால் வெற்றி என்ற இலக்கை நோக்கி ராஜஸ்தான் அணியின் பேட்ஸ்மேன்கள் விளையாடத் தொடங்கினர். அந்த அணிக்கு தொடக்க வீரர்கள் ஜெய்ஸ்வால் – சூர்யவன்ஷி அருமையான தொடக்கத்தை கொடுத்து 85 ரன்கள் பார்ட்னர்ஷிப் அமைத்தனர்.

சூர்யவன்ஷி 20 பந்துகளில் 34 ரன்கள் எடுத்து ஆட்டமிழந்தார். அடுத்து வந்த நிதிஷ் ரானா 8 ரன்னில் ஆட்டமிழக்க ரியான் பராக் – ஜெய்ஸ்வால் இணை அதிரடியாக விளையாடி ரன்கள் சேர்த்தது. பராக் 2 சிக்சர் 3 பவுண்டரியுடன் 39 ரன்கள் எடுத்து வெளியேறினார். சிறப்பாக விளையாடி அரைசதம் கடந்த ஜெய்ஸ்வால் 52 பந்துகளில் 4 சிக்சர் 5 பவுண்டரியுடன் 74 ரன்கள் எடுத்து ஆட்டமிழந்தார்.

கடைசி 3 ஓவர்களில் ராஜஸ்தான் வெற்றிக்கு 25 ரன்கள் தேவையாக இருந்தது. ஆவேஷ்கான் வீசிய அந்த ஓவரில் 5 ரன்கள் மட்டுமே விட்டுக் கொடுத்து 2 விக்கெட்டை கைப்பற்றினார். கடைசி 2 ஓவர்களில் 20 ரன்கள் தேவையாக இருந்தபோது 19 ஆவது ஓவரில் ராஜஸ்தான் 11 ரன்கள் எடுத்தது.

இதையும் படிங்க – யூடியூபில் தோனியைப் பற்றி பேசுவதை தடுத்த அஷ்வின்? இணையத்தில் வைரலாகும் வீடியோ

கடைசி ஓவரில் 9 ரன்கள் எடுத்தால் வெற்றி என்ற நிலை ராஜஸ்தானுக்கு ஏற்பட்டது. அந்த ஓவரை அற்புதமாக வீசிய ஆவேஷ் கான் ஹெட்மேயர் விக்கெட்டை கைப்பற்றியதுடன் 6 ரன்கள் மட்டுமே விட்டுக்கொடுத்து அணியின் வெற்றியை உறுதி செய்தார்.