வெலிக்கடை பொலிஸ் காவலில் இருந்தபோது இறந்ததாகக் கூறப்படும் சத்சர நிமேஷின் உடலை தோண்டி எடுத்து, மூன்று பேர் கொண்ட மருத்துவக் குழுவைக் கொண்ட சிறப்புக் குழுவால் பிரேதப் பரிசோதனை நடத்துமாறு கொழும்பு மேலதிக நீதவான் கெமிந்த பெரேரா கொழும்பு தலைமை நீதித்துறை மருத்துவ அதிகாரிக்கு, புதன்கிழமை (09) உத்தரவிட்டார்.
பதுளை மீகஹகிவுலவைச் சேர்ந்த நிமேஷ், ஏப்ரல் 1 ஆம் திகதி வெலிக்கடை பொலிஸ் காவலில் இருந்தபோது சித்திரவதையால் இறந்ததாகக் கூறி அவரது தாயார் திருமதி சமந்தா தாக்கல் செய்த புகாரின் பேரில் விசாரணை நடத்தும் போது, சிஐடிக்கு இந்த உத்தரவுகளை நீதிமன்றம் பிறப்பித்தது.
இந்த மரணத்தில் நீதி கிடைக்க பிரேத பரிசோதனை அறிக்கை மிகவும் முக்கியமானது என்று பாதிக்கப்பட்ட தரப்பினரை பிரதிநிதித்துவப்படுத்தும் வழக்கறிஞர்கள் நீதிமன்றத்தில் தெரிவித்தனர்.
அதன்படி, நிபுணர்கள் குழுவைக் கொண்ட குழுவால் மீண்டும் பிரேத பரிசோதனை நடத்த உத்தரவிட வேண்டும் என்று வழக்கறிஞர்கள் கோரினர். R
