மீண்டும் மும்பை அணிக்கு திரும்பிய பும்ரா..! ஆர்சிபி அணியை வீழ்த்துமா? உத்தேச வீரர்கள் யார் யார்?

மும்பை வான்கடே மைதானத்தில் நடைபெறும் ஐபிஎல் 20 ஆவது லீக் போட்டியில், ராயல் சேலஞ்சர்ஸ் பெங்களூரு அணி, மும்பை இந்தியன்ஸ் அணியை எதிர்கொள்கிறது. நடப்பு ஐபிஎல் தொடரில் 4 போட்டிகளில் விளையாடியுள்ள மும்பை இந்தியன்ஸ் அணி 3 தோல்விகளுடன் பரிதாபத்திற்குரிய நிலையில் உள்ளது.

இந்நிலையில், காயம் காரணமாக, ஓய்வில் இருந்த நட்சத்திர வேகப்பந்து வீச்சாளர் பும்ரா, மும்பை அணியில் இணைந்ததாக அதிகாரப்பூர்வமாக அறிவிக்கப்பட்டுள்ளது. இதனால், இன்றைய போட்டியில் பும்ரா விளையாடுவாரா என்ற எதிர்பார்ப்பு ரசிகர்கள் மத்தியில் எழுந்துள்ளது. அதே சமயம், நடப்பு ஐபிஎல் தொடரில், 3 போட்டிகளில் விளையாடிய பெங்களூரு அணி இரண்டில் வெற்றி பெற்றுள்ளது.

கடந்த ஆட்டத்தில், குஜராத் டைட்டன்ஸுடன் அடைந்த தோல்வியில் இருந்து மீண்டு, பெங்களூரு அணி மீண்டும் வெற்றி பாதைக்கு திரும்புமா என்ற எதிர்பார்ப்பு நிலவுகிறது. இதனால், இன்றைய ஆட்டத்தில் விறுவிறுப்புக்கு பஞ்சம் இருக்காது என எதிர்பார்க்கப்படுகிறது.

MI vs RCB: உத்தேச வீரர்கள்:

மும்பை இந்தியன்ஸ்: வில் ஜாக்ஸ், ரியான் ரிக்கல்டன் (வி.கீ), நமன் திர், சூர்யகுமார் யாதவ், திலக் வர்மா, ஹர்திக் பாண்டியா (கே), மிட்செல் சான்ட்னர், ராஜ் பாவா, டிரென்ட் போல்ட், அஸ்வினி குமார், தீபக் சாஹர்

ராயல் சேலஞ்சர்ஸ் பெங்களூரு: பில் சால்ட், விராட் கோலி, தேவ்தத் படிக்கல், ரஜத் படிதார்(கே), லியாம் லிவிங்ஸ்டோன், ஜிதேஷ் சர்மா (வி.கீ), டிம் டேவிட், க்ருனால் பாண்டியா, புவனேஷ்வர் குமார், ஜோஷ் ஹேசில்வுட், யாஷ் தயாள்