Last Updated:
Diesel Price Hike: மாநிலம் முழுவதும் சில்லறை விலையில் லிட்டருக்கு ரூ.91.02ஆக உயர்ந்துள்ளது.
கர்நாடகாவில் டீசல் மீதான விற்பனை வரி 3 சதவீதம் உயர்த்தப்பட்டுள்ளதால், டீசல் விலை லிட்டருக்கு சுமார் ரூ.2 உயர்ந்துள்ளது.
கர்நாடக அரசு டீசல் மீதான விற்பனை வரி (KST) விகிதத்தை 18.4% லிருந்து 21.17% ஆக உயர்த்தியுள்ளது. இது ஏப்ரல் 1, 2025 முதல் அமலுக்கு வந்தது. இந்த வரி உயர்வால் டீசல் விலை லிட்டருக்கு ரூ.2 அதிகரித்துள்ளது. இதனால், மாநிலம் முழுவதும் சில்லறை விலையில் லிட்டருக்கு ரூ.91.02ஆக உயர்ந்துள்ளது. அதன்படி, தற்போது டீசல் விலை லிட்டருக்கு ரூ.88.99 ஆகவும், பெட்ரோல் விலை லிட்டருக்கு ரூ.102.92 ஆகவும் உள்ளது.
| பெங்களூரு (கர்நாடகா) | 89.02 |
| ஓசூர் (தமிழ்நாடு) | 94.42 |
| காசர்கோடு (கேரளா) | 95.66 |
| அனந்தபுரா (ஆந்திரப் பிரதேசம்) | 97.35 |
| ஹைதராபாத் (தெலுங்கானா) | 95.70 |
| காகல் (மகாராஷ்டிரா) | 91.07 |
இதுகுறித்து பேசிய முதலமைச்சரின் கூடுதல் தலைமைச் செயலாளர் அதீக், டீசல் விலை உயர்வுக்குப் பிறகும், தென்னிந்தியாவில் கர்நாடகாவில் டீசல் விலை மிகக் குறைவாகவே உள்ளது என்று கூறினார்.
Karnataka Sales Tax rate on diesel has been increased to 21.17%, effective from 01-04-2025. As a result, there will be an increase of Rs 2 per litre, bringing the sale price to Rs 91.02. pic.twitter.com/gt7mVaVrME
— ANI (@ANI) April 1, 2025
டீசலுக்கான விற்பனை வரி விகிதம் 4-11-2021க்கு முன்பு 24% ஆக இருந்தது. மேலும் ஒரு லிட்டருக்கு விற்பனை விலை ரூ.92.03 ஆக இருந்தது. 15-06-2024 அன்று, கர்நாடக அரசு டீசல் மீதான வரி விகிதத்தை 18.44% ஆக திருத்தி ஒரு அறிவிப்பை வெளியிட்டது என்று அந்த அறிக்கையில் கூறப்பட்டுள்ளது.
April 02, 2025 7:58 AM IST
