உலக பணக்காரர் பட்டியல்… எலன் மஸ்க்கை ஓரம் தள்ளும் நபர்… யார் தெரியுமா?

Moet Hennessy Louis Vuitton (LVMH)-ன் தலைவரும் தலைமை நிர்வாக அதிகாரியுமான பெர்னார்ட் அர்னால்ட், எலன் மஸ்க்கை முந்தி உலகின் மிகப்பெரிய பணக்காரர் என்ற பெருமையை பெற்றுள்ளார். ஃபோர்ப்ஸின் கூற்றுப்படி, இந்த பிரெஞ்சு கோடீஸ்வரரின் குடும்பத்தின் நிகர மதிப்பு $207.6 பில்லியனாக வளர்ந்துள்ளதாக கூறியுள்ளது.

மேலும், கடந்த வெள்ளியன்று, பெர்னார்ட் அர்னால்ட்டின் நிகர மதிப்பு டெஸ்லா தலைமை நிர்வாக அதிகாரியின் $204.7 பில்லியன் நிகர மதிப்பைக் கடந்தது, 207.6 டாலராக இருந்தது. இதில் எலன் மஸ்க் 13 சதவீதம் சரிந்தது, $18 பில்லியனுக்கும் அதிகமாக இழந்தார் என்று அந்த அறிக்கை கூறியது.

இரண்டு கோடீஸ்வரர்களும் 2022ஆம் ஆண்டிலிருந்து கோடீஸ்வரர் பட்டியலில் யார் முன்னிலை என்ற போரில் ஈடுபட்டுள்ளனர். ஆனால் அர்னால்ட், அந்த ஆண்டின் பிற்பகுதியில் முதலிடத்தைப் பெற்றதாகக் கூறப்படுகிறது.

டெஸ்லாவின் $586.14 பில்லியனுடன் ஒப்பிடுகையில், டியோர், பல்கேரி மற்றும் செபோரா போன்ற ஆடம்பரப் பிராண்டுகளுக்குப் பின்னால் உள்ள நிறுவனமான LVMH-ன் சந்தை மதிப்பு $388.8 பில்லியனை எட்டியுள்ளது என்று அறிக்கை வெளிப்படுத்தியது.

ஃபோர்ப்ஸ் நிகழ்நேர பில்லியனர்கள் பட்டியலின் படி, உலகின் முதல் 10 பணக்காரர்கள்:

பெர்னார்ட் அர்னால்ட் & குடும்பம் ($207.6 பில்லியன்)

எலன் மஸ்க் ($204.7 பில்லியன்)

ஜெஃப் பெசோஸ் ($181.3 பில்லியன்)

லாரி எலிசன் ($142.2 பில்லியன்)

மார்க் ஜுக்கர்பெர்க் (139.1 பில்லியன்)

வாரன் பஃபெட் ($127.2 பில்லியன்)

லாரி பேஜ் ($127.1 பில்லியன்)

பில் கேட்ஸ் ($122.9 பில்லியன்)

செர்ஜி பிரின் ($121.7 பில்லியன்)

ஸ்டீவ் பால்மர் ($118.8 பில்லியன்).

இருப்பினும், ப்ளூம்பெர்க் பில்லியனர்ஸ் இன்டெக்ஸ், மறுபுறம், எலன் மஸ்க் இன்னும் 199 பில்லியன் டாலர் சொத்து மதிப்புடன் உலகின் மிகப்பெரிய பணக்காரர் என்று குறிப்பிட்டது.

இ-காமர்ஸ் நிறுவனமான அமேசானின் நிறுவனர் ஜெஃப் பெசோஸ் 184 பில்லியன் டாலர் சொத்துக்களுடன் எலன் மஸ்க்கைத் தொடர்ந்து பட்டியலில் உள்ளார். ப்ளூம்பெர்க் பில்லியனர்கள் குறியீட்டில், பெர்னார்ட் அர்னால்ட் $183 பில்லியன் நிகர மதிப்புடன் மூன்றாவது இடத்தைப் பிடித்துள்ளார்.

Also Read | 
கோல்டன் விசா vs கோல்டன் பாஸ்போர்ட்… என்ன வித்தியாசம் தெரியுமா?

இதற்கிடையில், கடந்த ஆண்டு ஏப்ரல் மாதம், பெர்னார்ட் அர்னால்ட்-ன் சொத்து மதிப்பு $200 பில்லியனைத் தாண்டியதாக குறிப்பிட்டுள்ளது. அர்னால்ட் இந்த மைல்கல்லை எட்டிய மூன்றாவது நபர் ஆனார். இது முன்னதாக எலன் மஸ்க் மற்றும் ஜெஃப் பெசோஸ் ஆகியோரால் அடையப்பட்டது குறிப்பிடத்தக்கது.

ஆடம்பரப் பொருட்களுக்கான தேவை சமீபகாலமாக அதிகரித்து வருவதால், LVMH பங்குகள் 30 சதவீதம் அதிகரித்த பிறகு, 2023ஆம் ஆண்டில் அர்னால்ட்டின் சொத்து மதிப்பு $39 பில்லியன் அதிகரித்துள்ளது.

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம். News 18 தமிழ் : வாட்ஸ் அப் சேனலை ஃபாலோ செய்யுங்கள்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…