83 ரன்கள் குவித்த விராட் கோலி… கொல்கத்தா வெற்றி பெற 183 ரன்கள் இலக்கு நிர்ணயித்தது ஆர்.சி.பி. – News18 தமிழ்

ஐபிஎல் கிரிக்கெட் தொடரில் கொல்கத்தா அணிக்கு எதிராக பெங்களூருவில் நடைபெற்று வரும் போட்டியில் முதலில் பேட்டிங் செய்துள்ள ஆர்.சி.பி. அணி 20 ஓவர்கள் முடிவில் 182 ரன்கள் எடுத்துள்ளது. சிறப்பான ஆட்டத்தை வெளிப்படுத்திய விராட் கோலி 83 ரன்கள் எடுத்து அணியின் ஸ்கோர் உயர உதவினார்.

2 போட்டிகளில் இதுவரை விளையாடியுள்ள பெங்களூரு அணி ஒரு போட்டியில் மட்டும் வெற்றி பெற்றுள்ளது. இந்த போட்டியில் டாஸ் வென்ற கொல்கத்தா அணி பவுலிங்கை தேர்வு செய்தது. இதையடுத்து பெங்களூரு அணியின் பேட்ஸ்மேன்களாக விராட் கோலி மற்றும் டூப்ளசிஸ் களத்தில் இறங்கினர். டூப்ளசிஸ் 8 ரன்களில் ஆட்டமிழந்து ஏமாற்றம் அளித்தார்.

இதையடுத்து களம் புகுந்த கேமரூன் கிரீன் விராட் கோலியுடன் இணைந்த நேர்த்தியான ஆட்டத்தை வெளிப்படுத்தினார். இருவரும் 2 ஆவது விக்கெட்டிற்கு 65 ரன்கள் பார்ட்னர்ஷிப் அமைத்தனர். க்ரீன் 33 ரன்னில் ஆட்டமிழக்க அடுத்து வந்த மேக்ஸ்வெல் 28 ரன்களில் ஆட்டமிழந்தார்.

விக்கெட்டுகள் ஒரு பக்கம் விழுந்தாலும், பொறுப்புடன் விளையாடிய விராட் கோலி 59 பந்துகளில் தலா 4 சிக்சர் மற்றும் பவுண்டரியுடன் 83 ரன்கள் எடுத்து கடைசி வரை களத்தில் நின்றார். கடைசி ஓவர்களில் தினேஷ் கார்த்திக் 3 சிக்சர்கள் பறக்கவிட, 20 ஓவர்கள் முடிவில் 5 விக்கெட்டுகளை இழந்த ராயல் சேலஞ்சர்ஸ் பெங்களூரு அணி 182 ரன்கள் எடுத்தது.

இதையடுத்து 183 ரன்கள் எடுத்தால் வெற்றி என்ற சவாலான இலக்கை நோக்கி கொல்கத்தா அணியின் பேட்ஸ்மேன்கள் களத்தில் இறங்கியுள்ளனர்.

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம். News 18 தமிழ் : வாட்ஸ் அப் சேனலை ஃபாலோ செய்யுங்கள்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…