IPL 2025 : காலில் விழ ரசிகருக்கு பணம் கொடுத்தாரா ரியான் பராக்? சந்தேகம் கிளப்பும் ரசிகர்கள்..

இந்த போட்டியில் முதலில் பேட்டிங் செய்த ராஜஸ்தான் ராயல்ஸ் அணி 151 ரன்கள் எடுத்தது. இதையடுத்து 152 ரன்கள் எடுத்தால் வெற்றி என்ற இலக்கை நோக்கி விளையாடிய கொல்கத்தா அணி 17.3 ஓவர்களில் 2 விக்கெட்களை மட்டுமே இழந்து 153 ரன்கள் எடுத்து வெற்றி பெற்றது.

இந்தப் போட்டியில் கொல்கத்தா அணி பேட்டிங் செய்து கொண்டிருந்த போது ராஜஸ்தான் அணியின் பொறுப்பு கேப்டன் ரியான் பராக் தனது நான்காவது ஓவரை வீசினார். அப்போது மைதானத்தில் பாதுகாப்பு வளையத்தை உடைத்துக்கொண்டு உள்ளே வந்த இளம் ரசிகர் ஒருவர், ரியான் பராகின் காலில் விழுந்தார். பின்னர் அவரை ஆரத்தழுவி அன்பை வெளிப்படுத்தினார்.

இதற்குள்ளாக அங்கிருந்த பாதுகாவலர்கள் உடனடியாக அந்த இளைஞரை வெளியே அப்புறப்படுத்தினர். இந்த சம்பவம் பரபரப்பை ஏற்படுத்திய நிலையில், ரியான் பராகை கிண்டல் செய்து சமூக வலைதளங்களில் பதிவு குவிந்துள்ளன.

இதையும் படிங்க – IPL 2025 : ‘கேப்டன் பொறுப்புக்கு சுப்மன் கில் இன்னும் தயாராகவில்லை’ – வீரேந்திர சேவாக் கடும் விமர்சனம்..

நெட்டிசன்கள், “ரியான் பராக்கிற்கு இவ்வளவு பெரிய ரசிகரா” என்று ஆச்சரியத்துடன் கூறியுள்ளனர். இன்னும் சிலர், “சம்பளத்திற்காக பணம் கொடுத்து இளைஞரை அழைத்து வந்திருக்கலாம்” என்றும் “அவருக்கு ரூ. 10 ஆயிரம் சம்பளம் வழங்கப்பட்டிருக்கலாம்” என்றும் கிண்டலாக கூறியுள்ளனர்.

So, Riyan Parag hired a boy and paid him 10,000 Rs to come onto the ground and touch his feet.

What an attention seeker this guy is!

#RRvsKKR pic.twitter.com/0w7gfW7lAC

— Dr Nimo Yadav 2.0 (@niiravmodi) March 26, 2025