தமிழக முன்னாள் முதல்வரும், அதிமுக பொதுச் செயலாளருமான எடப்பாடி பழனிசாமியை சந்தித்த பின், மத்திய அமைச்சர் அமித்ஷா தன்னுடைய எக்ஸ் தளத்தில் பதிவிட்ட பதிவு, அதிமுக-பாஜக கூட்டணியை உறுதிபடுத்தியதாக தெரிகிறது. தன்னுடைய இல்லத்தில், எடப்பாடி பழனிசாமி மற்றும் முன்னாள் முன்னாள் அமைச்சர்கள் கே.பி.முணுசாமி, எஸ்.பி.வேலுமணி, சிவி சண்முகம், தம்பிதுரை எம்.பி உள்ளிட்டோரை சந்தித்த மத்திய அமைச்சர் அமித்ஷா, அவர்களுடன் சுமார் 2 மணி நேரத்திற்கு மேல் பேச்சுவார்த்தை நடத்தினார்.
