உலகின் மகிழ்ச்சியான நாடு இதுதான்.. இந்தியாவுக்கு எந்த இடம் தெரியுமா?

சர்வதேச மகிழ்ச்சி தினத்தை முன்னிட்டு ஆண்டுதோறும் இந்த பட்டியல் வெளியிடப்படுகிறது. இதற்காக உலகின் 147 நாடுகளில் மக்களின் வாழ்க்கைத் தரம் ஆய்வுக்கு உட்படுத்தப்பட்டது. சமூக ஆதரவு, சுகாதாரம், சுதந்திரம், பெருந்தன்மை, ஊழல் குறித்த மக்கள் எண்ணம், மொத்த உள்நாட்டு உற்பத்தி ஆகியவை பற்றி மக்களிடம் கருத்து கேட்கப்பட்டது.

இதில், பின்லாந்து 10க்கு 7.74 புள்ளிகளுடன் உலகின் மகிழ்ச்சியான நாடு என்ற தகுதியை பெற்றுள்ளது. டென்மார்க், ஐஸ்லாந்து, நார்வே, ஸ்வீடன் ஆகிய நாடுகள் அடுத்தடுத்த இடங்களை பிடித்துள்ளன. இந்த பட்டியலில், பின்லாந்து தொடர்ந்து 8வது ஆண்டாக இந்த தகுதியை பெற்றுள்ளது என்பது குறிப்பிடத்தக்கது.

Also Read: 21 வயதில் வேலை.. 23 வயதில் ஓய்வு.. சாதனை புத்தகத்தில் இடம்பிடித்த இளைஞர்!

இந்தியாவுக்கு எந்த இடம்?

இந்தியாவின் அண்டை நாடுகளில், இலங்கை 133-வது இடத்திலும், வங்கதேசம் 134வது இடத்திலும், நேபாளம் 92வது இடத்திலும், சீனா 68வது இடத்திலும் உள்ளது. 2012ம் ஆண்டில் 11வது இடத்தில் இருந்த அமெரிக்கா, 24வது இடத்திற்கு சென்றுள்ளது. அதேபோல், இங்கிலாந்து 23வது இடத்தைப் பிடித்துள்ளது. மொத்தம் உள்ள 147 நாடுகளில் இந்தியா 118வது இடத்தில் உள்ளது.