இஸ்ரேல் தாக்குதலில் கர்ப்பிணி பெண்ணும் 13 மாத பிஞ்சு குழந்தையும் பலியான சோகம்!

இஸ்ரேலுக்கும் காஸாவில் உள்ள ஹமாஸ் ஆயுதக்குழுவுக்கும் இடையே தாக்குதல்கள் தீவிரமடைந்த சமயம், கடந்த பிப்ரவரி மாதம் ரஃபாவைச் சேர்ந்த அலா அபு ஹெலாலுக்கும் 20 வயதான அல்-கானெனுக்கும் பிறந்த குழந்தைதான் இந்த முகமது. இஸ்ரேல் வீசிய குண்டுகளால் வீடு வாசல் என அனைத்தையும் இழந்த ஹெலால்-அல் கானென் தம்பதி தங்கள் குழந்தையுடன் கான் யூனிஸுக்கு அருகே முவாசியில் உள்ள மீட்பு முகாமில் தஞ்சமடைந்தனர்.

இதையும் படிங்க | போர் நிறுத்த ஒப்பந்தம்.. டிரம்பிடம் உக்ரைன் அதிபர் ஜெலன்ஸ்கி கொடுத்த வாக்குறுதி!

அல்-கானென் மீண்டும் கருவுற்ற நிலையில், இஸ்ரேல்-காசா போர் நிறுத்த ஒப்பந்தத்தை நம்பி சொந்த ஊரான ரஃபாவுக்கு திரும்ப திட்டமிட்டிருந்தனர். நிலைமையை விசாரிக்க ஹெலால் நேரில் சென்றிருந்த நிலையில், சற்றும் எதிர்பாராத சமயத்தில் இஸ்ரேல் வீசிய குண்டிற்கு 7 மாத கர்ப்பிணியான அல்-கானெனும் அவரது 13 மாத குழந்தை முகமதுவும் பலியாகினர்.

இஸ்ரேலின் குண்டுகளுக்கு சிதைவடைந்த கூடாரங்களில் இருந்து மகனின் ஆடைகளை எடுத்து கண்ணீர் விட்ட ஹெலால் போன்று, மொத்த குடும்பத்தையும் இழந்தோர் எண்ணிடலங்காதவை.