Maha kumbh mela | மஹா கும்பமேளாவில் விமானக் கட்டணம், தங்குமிடம், போக்குவரத்துக்கு கூடுதல் கட்டணம்…? கணக்கெடுப்பில் அதிர்ச்சி தகவல்…!

இந்தியாவின் 303 மாவட்டங்களில் இருந்து மஹாகும்பமேளாவிற்கு வருகை தந்த 49,000க்கும் மேற்பட்ட பயணிகளிடமிருந்து இந்த கணக்கெடுப்பு பதில்களைப் பெற்றது. பதிலளித்தவர்களில் 62% ஆண்கள், 38% பெண்கள் ஆவர். இதில் 44 சதவிகிதத்தினர் பெரும் நகரங்களைச் சேர்ந்தவர்களும், 25 சதவிகிதத்தினர் இரண்டாம் நிலை நகரத்தைச் சேர்ந்தவர்கள் மற்றும் 31 சதவிகிதத்தினர் 3, 4, 5-ம் நிலை நகரங்கள் மற்றும் கிராமப்புற மாவட்டங்களைச் சேர்ந்தவர்கள்.

வழக்கமான கட்டணத்தைவிட 300% அதிகமாக 25% செலுத்தினோம்:

பிரயாக்ராஜுக்கு விமானத்தில் பயணித்தவர்களிடம், “நீங்களோ அல்லது உங்கள் குடும்ப உறுப்பினர்களோ மஹா கும்பமேளாவிற்குச் சென்றபோது, ​​வழக்கமான விமான டிக்கெட்டுகளின் விலையைவிட எவ்வளவு அதிகமாக செலுத்தினீர்கள்?” என்ற கேள்வி கேட்கப்பட்டது. இந்தக் கேள்விக்கு பதிலளித்த 16,215 பேரில், 13% பேர் மட்டுமே கூடுதல் கட்டணம் செலுத்தவில்லை. வழக்கமான விமான கட்டணத்தை மட்டுமே செலுத்தினோம் என்று கூறியுள்ளனர்; இருப்பினும், பதிலளித்தவர்களில் 38% பேர் வழக்கமான கட்டணத்தை விட 50-100% அதிகமாக செலுத்தியதாக தெரிவித்தனர்.

மேலும் பதிலளித்தவர்களில் 12% பேர் வழக்கமான கட்டணத்தை விட 100-200% அதிகமாக செலுத்தியதாக கூறினர்; 12% பேர் வழக்கமான கட்டணத்தை விட 200-300% அதிகமாக செலுத்தியதாக கூறினர். மேலும், பதிலளித்தவர்களில் 25% பேர் வழக்கமான கட்டணத்தை விட 300% அதிகமாக செலுத்தியதாக கூறினர். சுருக்கமாக, கணக்கெடுப்பில் பங்கேற்ற விமானப் பயணிகளில் 87% பேர் வழக்கமான விமானக் கட்டணத்தைவிட 50 முதல் 300% அதிகமான கட்டணம் செலுத்தியதாக உறுதிப்படுத்தியுள்ளனர்.

“நீங்களோ அல்லது உங்கள் குடும்ப உறுப்பினர்களோ மகா கும்பமேளாவிற்குச் சென்றபோது, ​​கூடாரங்கள், ஹோட்டல் அறைகள், லாட்ஜ் போன்ற தங்குமிடங்களுக்கு வழக்கமான விலையை விட எவ்வளவு அதிகமாகச் செலுத்தினீர்கள்?” என்று சமீபத்தில் மஹாகும்பமேளாவிற்கு சென்றவர்களிடம் கேட்கப்பட்டது. இந்தக் கேள்விக்கு பதிலளித்த 16,549 பேரில் 26% பேர் “கூடுதல் கட்டணம் செலுத்தவில்லை; வழக்கமான கட்டணத்தை மட்டுமே செலுத்தினோம்” என்று கூறியுள்ளனர்.

இருப்பினும், பதிலளித்தவர்களில் 14% பேர் வழக்கமான விகிதத்தை விட 50% வரை அதிகமாக பணம் செலுத்தியதாக கூறியுள்ளனர்; மேலும், 14% பேர் வழக்கமான விகிதத்தை விட 50-100% அதிகமாக பணம் செலுத்தியதாக கூறியுள்ளனர்; 7% பேர் வழக்கமான விகிதத்தை விட 100-200% அதிகமாக பணம் செலுத்தியதாக கூறியுள்ளனர்; 14% பேர் வழக்கமான விகிதத்தை விட 200-300% அதிகமாக பணம் செலுத்தியதாக கூறியுள்ளனர்; 18% பேர் வழக்கமான விகிதத்தை விட 300% அதிகமாக பணம் செலுத்தியதாக கூறியுள்ளனர். மேலும் பதிலளித்தவர்களில் 7% பேர் தெளிவான பதிலைக் கொடுக்கவில்லை.

இதையும் படிக்க: மகா கும்பமேளாவில் மனைவியை கொன்ற கணவர்.. போலீஸ் விசாரணையில் அதிர்ச்சி தகவல்

பிரயாக்ராஜுக்கு வருகை தந்தவர்களிடம், “நீங்களோ அல்லது உங்கள் குடும்ப உறுப்பினர்களோ மகா கும்பமேளாவுக்குச் சென்றபோது, ​​உள்ளூர் போக்குவரத்து மற்றும் படகு சவாரி போன்றவற்றுக்கான வழக்கமான விலையை விட எவ்வளவு அதிகமாகச் செலுத்தினீர்கள்?” என்று போக்குவரத்துச் செலவுகள் குறித்து கணக்கெடுப்பில் கேட்கப்பட்டது.

கேள்விக்கு பதிலளித்த 16,512 பேரில் 22% பேர் “கூடுதல் கட்டணம் செலுத்தவில்லை; வழக்கமான கட்டணம் மட்டுமே செலுத்தினோம்” என்று கூறினர். இருப்பினும், பதிலளித்தவர்களில் 6% பேர் வழக்கமான கட்டணத்தை விட 50% வரை அதிகமாக செலுத்தியதாக கூறினர்; பதிலளித்தவர்களில் 6% பேர் வழக்கமான கட்டணத்தை விட 50-100% அதிகமாக செலுத்தியதாக கூறினர்; 16% பேர் வழக்கமான கட்டணத்தை விட 100-200% அதிகமாக செலுத்தியதாக கூறினர்; 22% பேர் வழக்கமான கட்டணத்தைவிட 200-300% அதிகமாக செலுத்தியதாக கூறினர்; 12% பேர் வழக்கமான கட்டணத்தை விட 300% அதிகமாக செலுத்தியதாக கூறினர்.

சுருக்கமாக சொன்னால், மஹா கும்பமேளாவிற்கு வருகை தந்து உள்ளூர் போக்குவரத்து சேவைகள், படகு சவாரி போன்றவற்றைப் பயன்படுத்தியவர்களில் 66% பேர் வழக்கமான கட்டணத்தை விட 50-300% அதிகமாக செலுத்தியதாக உறுதிப்படுத்துகின்றனர்.