ஆனால் இணையத்தில் பரபரப்பை ஏற்படுத்திய அவரது முதல் சர்ச்சைக்குரிய அறிக்கை இது அல்ல. அவர் இதற்கு முன்பு வீட்டிலிருந்து வேலை பார்ப்பது, பயிற்சி வகுப்புகள், இன்றைய கல்வி நிலை பற்றியும் பேசியிருக்கிறார். பல்வேறு காரணங்களுக்காக வைரலான அவரது 5 சர்ச்சைக்குரிய கருத்துகளை இந்தக் கட்டுரையில் பார்ப்போம்.
கல்வியில் பெற்றோரின் பொறுப்பு
குழந்தைகளின் கல்விப் பழக்கத்தை வடிவமைப்பதில் பெற்றோரின் முக்கிய பங்கை எடுத்துரைத்த மூர்த்தி, தங்கள் குழந்தைகளுக்கு படிப்புச் சூழலை உருவாக்குவதை விட பொழுதுபோக்கிற்கு முன்னுரிமை அளிக்கும் சில பெற்றோர்களின் ஒழுக்கமின்மையை விமர்சித்தார். தானும் தனது மனைவி சுதா மூர்த்தியும் தங்கள் குழந்தைகளான அக்ஷதா மற்றும் ரோஹனின் படிப்பில் உதவுவதற்காக தினமும் 3.5 மணி நேரத்திற்கும் மேலாக எவ்வாறு அர்ப்பணித்தோம் என்பதையும் பகிர்ந்து கொண்டார்.
2. பயிற்சி வகுப்பு குறித்த விமர்சனம்
பயிற்சி நிறுவனங்களின் மையமான ராஜஸ்தானின் கோட்டாவில் மாணவர்களிடையே தற்கொலை விகிதம் அதிகரித்து வருவதற்கு பதிலளிக்கும் விதமாக, இத்தகைய பயிற்சி நிறுவனங்களின் செயல்திறனைக் கேள்வி எழுப்பினார் மூர்த்தி. “நமது குழந்தைகள் சிறப்பாகக் கற்றுக்கொள்ள பயிற்சி வகுப்புகள் தீர்வாகாது. அது முற்றிலும் தவறு,” என்று பெங்களூரில் கூறினார்.
மாணவர்கள் பெரும்பாலும் வழக்கமான பள்ளி பாடங்களை புறக்கணிப்பதாகவும், பெற்றோர்கள் கல்வி ஆதரவை வழங்க முடியாமல் விலையுயர்ந்த பயிற்சி மையங்களை நாடுவதாகவும் அவர் கவலை தெரிவித்தார்.
3. வாரத்திற்கு 70 மணி நேர வேலைக்கான ஆதரவு
தேசிய உற்பத்தித்திறனை மேம்படுத்தவும் உலகளவில் போட்டியிடவும் இளம் இந்தியர்கள் வாரத்திற்கு 70 மணி நேர வேலை முறையை ஏற்றுக்கொள்ள வேண்டும் என்று மூர்த்தி கூறியதற்கு பெரும் எதிர்ப்பு எழுந்தது. “நமது பணி உற்பத்தித்திறனை மேம்படுத்தாவிட்டால்… மிகப்பெரிய முன்னேற்றம் அடைந்த நாடுகளுடன் நாம் போட்டியிட முடியாது. நமது இளைஞர்கள், ‘இது என்னுடைய நாடு. வாரத்திற்கு 70 மணிநேரம் வேலை செய்ய விரும்புகிறேன்’ என்று சொல்ல வேண்டும் என்பதே எனது வேண்டுகோள்” என அவர் கூறியிருந்தார்.
4. இன்ஃபோசிஸ் சிஓஓ ஊதிய சர்ச்சை
2017-ம் ஆண்டில், இன்ஃபோசிஸ் சிஓஓ பிரவீன் ராவுக்கு வழங்கப்பட்ட சம்பள உயர்வை மூர்த்தி பகிரங்கமாக எதிர்த்தார். இது “சரியானது அல்ல” என்றும் கூறினார். குறிப்பாக நிர்வாக ஊதியத்திற்கும் சராசரி ஊழியரின் சம்பளத்திற்கும் இடையே கடுமையான வேறுபாடு இருக்கும்போது, இதுபோன்ற முடிவுகள் ஊழியர்களிடையே நம்பிக்கை குறைமதிப்பிற்கு உட்படுத்துகின்றன என்று அவர் வாதிட்டார்.
மூர்த்தியின் கருத்துக்கள், நிறுவன கட்டமைப்புகளுக்குள் சமத்துவம் மற்றும் நியாயத்தன்மை குறித்த அவரது ஆழ்ந்த அக்கறையை பிரதிபலித்தன.
5. தொலைதூர வேலைக்கு எதிர்ப்பு
கொரோனா தொற்றுநோய்க்குப் பிறகு உலகம் முழுவதும் வீட்டிலிருந்தே வேலை பார்க்கும் சூழல் அதிகரித்து வரும் நிலையில், இந்தியாவில் வீட்டிலிருந்து வேலை செய்யும் (WFH) மாதிரிகள் குறித்து மூர்த்தி தனது சந்தேகங்களை வெளிப்படுத்தினார். “நான் வீட்டிலிருந்து வேலை செய்வதை பெரிதாக விரும்புவதில்லை,” என்று அவர் கூறினார், “நான் வீட்டிலிருந்து வேலை செய்வேன்; வாரத்தில் மூன்று நாட்கள் அலுவலகத்திற்கு வருவேன் என தயவுசெய்து இந்த வலையில் சிக்கிக் கொள்ளாதீர்கள்” என்று அவர் கூறினார்.
இவரது கருத்துக்கள் கொண்டாடப்பட்டாலும் சரி, விமர்சிக்கப்பட்டாலும் சரி, இந்திய சமூகம் மற்றும் வணிக உலகின் திசையைப் பற்றிய உரையாடல்களைத் தூண்டும் ஒரு நபராகவே இருக்கிறார் நாராயண மூர்த்தி.
February 16, 2025 3:10 PM IST
இன்ஃபோசிஸ் நாராயண மூர்த்தி கூறிய 5 சர்ச்சை கருத்துக்கள்… இதெல்லாம் வேற சொல்லி இருக்காரா..?
