இங்கிலாந்துக்கு எதிரான ஒருநாள் கிரிக்கெட் தொடர்.. கவுதம் காம்பீர் எதிர்கொள்ளும் சவால்கள் என்ன?

குறிப்பாக கவுதம் கம்பீர் தொடர்ந்து மோசமாக விளையாடி வரும் விராட் கோலி மற்றும் ரோஹித் சர்மாவை எப்படி கையாள போகிறார் என்பது முக்கிய கேள்வியாக உள்ளது. ஆஸ்திரேலியாவுக்கு எதிரான டெஸ்ட் கிரிக்கெட் தொடரில் மிக மோசமாக விளையாடிய இருவரும் உள்ளூர் போட்டி தொடரான ரஞ்சி கோப்பையிலும் ரன்கள் குவிக்க தவறினர்.

அதேசமயம் 2023 உலகக் கோப்பை கிரிக்கெட் தொடரில் விராட் கோலி 765 ரன்களும், ரோஹித் சர்மா 597 ரன்களும் குவித்திருந்தார்கள். அந்த தொடரில் அதிக ரன்கள் எடுத்த முதல் 2 வீரர்கள் இவர்கள்தான். அதன் பின்னர் நடைபெற்ற இலங்கை அணிக்கு எதிரான ஒருநாள் கிரிக்கெட் தொடரில் ரோஹித் சர்மா 2 அரை சதம் அடித்தார். விராட் கோலி குறிப்பிடும்படியாக ரன்கள் எடுக்கவில்லை.

சாம்பியன்ஸ் கோப்பை தொடர் 19ஆம் தேதி தொடங்க உள்ள சூழலில் அதற்கு முன்னதான தனது கடைசி கிரிக்கெட் தொடரில் இந்திய அணி இங்கிலாந்து அணிக்கு எதிராக விளையாட உள்ளது. நாளை தொடங்கும் 3 போட்டிகள் கொண்ட ஒரு நாள் கிரிக்கெட் தொடரில் ரோஹித் சர்மாவும், விராட் கோலி ரன்கள் குவிப்பார்களா? என்ற கேள்வி எழுந்துள்ளது.

அவர்கள் கம்பேக் கொடுப்பதற்கு தலைமை பயிற்சியாளர் கவுதம் கம்பீர் எந்த வகையில் உறுதுணையாக இருப்பார் என்பது அவருக்கு சவாலாக இருக்கும் என கிரிக்கெட் விமர்சகர்கள் கூறியுள்ளனர். ஒரு நாள் கிரிக்கெட் தொடருக்கான இந்திய அணியை பார்க்கும்போது திருப்திகரமாக இருப்பதாக விமர்சகர்கள் தெரிவித்துள்ளார்கள்.

நீண்ட நாட்களாக விளையாடாமல் இருந்த முகமது ஷமி இங்கிலாந்து அணிக்கு எதிரான 20 ஓவர் கிரிக்கெட் தொடரில் சிறப்பாக பந்து வீசினார். இந்திய அணியின் நட்சத்திர பவுலரான ஜஸ்பிரீத் பும்ரா முதுகு வலி காரணமாக இந்த தொடரில் இடம் பெறவில்லை.

இதையும் படிங்க – U19 மகளிர் உலக கோப்பையை வென்ற இந்திய அணி.. நீடா அம்பானி வாழ்த்து

மேலும் 20 ஓவர் கிரிக்கெட் தொடரில் விக்கெட்டுகளை அள்ளிக் குவித்துவரும் வருண் சக்கரவர்த்தி இந்த தொடரில் இடம் பெற்றுள்ளார். இதனால் அவர் மீதான எதிர்பார்ப்பு அதிகரித்துள்ளது. இங்கிலாந்து அணிக்கு எதிரான முதல் ஒருநாள் கிரிக்கெட் போட்டி நாளை மதியம் 1.30 மணி அளவில் நாக்பூர் மைதானத்தில் தொடங்க உள்ளது.

இந்த தொடருக்கான இரு அணி வீரர்கள் விபரம் பின் வருமாறு-

இந்தியா: ரோஹித் சர்மா (கேப்டன்), சுப்மன் கில் (துணை கேப்டன்), யஷஸ்வி ஜெய்ஸ்வால், விராட் கோலி, ஷ்ரேயாஸ் ஐயர், கேஎல் ராகுல் (விக்கெட் கீப்பர்), ரிஷப் பந்த் (விக்கெட் கீப்பர்), ஹர்திக் பாண்டியா, ரவீந்திர ஜடேஜா, வாஷிங்டன் சுந்தர், அக்சர் படேல், குல்தீப் யாதவ், ஹர்ஷித் ரனா. ஷமி, அர்ஷ்தீப் சிங், வருண் சக்ரவர்த்தி.

இங்கிலாந்து: ஜோஸ் பட்லர் (கேப்டன்), ஹாரி புரூக், பென் டக்கெட், ஜோ ரூட், பிலிப் சால்ட், ஜேமி ஸ்மித், ஜேக்கப் பெத்தேல், பிரைடன் கார்ஸ், லியாம் லிவிங்ஸ்டோன், ஜேமி ஓவர்டன், ஜோஃப்ரா ஆர்ச்சர், கஸ் அட்கின்சன், சாகிப் மஹ்மூத், அடில் ரஷித், மார்க் வுட்.