Last Updated:
Expectations of Egg Industry from Budget 2025 | நாமக்கல்லை தனி மண்டலமாக அறிவித்து, வெளிநாடுகளுக்கான முட்டை ஏற்றுமதியை ஊக்குவிக்க வேண்டும் என்றும், இது தொடர்பான அறிவிப்பை பட்ஜெட்டில் எதிர்பார்ப்பதாகவும் கோழிப்பண்ணை உற்பத்தியாளர்கள் தெரிவிக்கின்றனர்.
முட்டை உற்பத்தி செய்யும் நாமக்கல் மாவட்ட கோழிப்பண்ணை உரிமையாளர்கள் மத்திய பட்ஜெட்டில் எதிர்பார்ப்பது என்ன என்பது குறித்து விரிவாக பார்க்கலாம்.
இந்திய அளவில் முட்டை உற்பத்தியில் தமிழ்நாடு முன்னிலை வகிப்பதற்கு முழு முதற்காரணம் நாமக்கல் கோழிப்பண்ணையாளர்கள்தான். நாமக்கல் மாவட்டத்தில் விவசாயத்திற்கு அடுத்தபடியாக கால்நடை வளர்ப்பும், முட்டை உற்பத்தியும் பிரதான தொழிலாக விளங்கி வருகிறது.
நாமக்கல் மண்டலத்தில் 1100–க்கும் மேற்பட்ட கோழிப் பண்ணைகள் உள்ளன. இவற்றில் 5 கோடிக்கும் மேற்பட்ட முட்டையின கோழிகள் வளர்க்கப்படும் நிலையில், நாள் ஒன்றுக்கு 6 கோடி முட்டைகள் உற்பத்தி செய்யப்படுகின்றன.
முட்டை ஏற்றுமதி ஏற்றம் பெற, மத்திய பட்ஜெட்டில் உள்கட்டமைப்புக்கு உரிய நிதி ஒதுக்க வேண்டும் என கோரிக்கை விடுக்கின்றனர் முட்டை ஏற்றுமதியாளர்கள். முட்டை தொழில் நிரந்தரமாக இருக்க கோழித் தீவன மூல பொருட்கள் விலையை குறைக்க வேண்டும் என்ற கோரிக்கையும் எழுந்துள்ளது. குறிப்பாக முட்டை மூலப்பொருட்களுக்கான 5% ஜிஎஸ்டி வரி தள்ளுபடி செய்ய வேண்டும் எனவும் கோரிக்கை வைக்கப்பட்டுள்ளது.
நாமக்கல்லை தனி மண்டலமாக அறிவித்து, வெளிநாடுகளுக்கான முட்டை ஏற்றுமதியை ஊக்குவிக்க வேண்டும் என்றும், இது தொடர்பான அறிவிப்பை பட்ஜெட்டில் எதிர்பார்ப்பதாகவும் கோழிப்பண்ணை உற்பத்தியாளர்கள் தெரிவிக்கின்றனர்.
முட்டை ஏற்றுமதிக்கான மானியத் தொகையை உயர்த்தி வழங்கவும் கோழிப்பண்ணை உற்பத்தியாளர்கள் வலியுறுத்துகின்றனர்.
செய்தியாளர் : ரவிக்குமார் (நாமக்கல்)
Namakkal,Namakkal,Tamil Nadu
January 29, 2025 4:07 PM IST
Union Budget 2025 | மானியத் தொகை உயர்வு… 5% ஜிஎஸ்டி வரி தள்ளுபடி… மத்திய பட்ஜெட்டில் கோழிப்பண்ணை உரிமையாளர்களின் எதிர்ப்பார்ப்புகள் என்னென்ன?
