விமானம் கிளம்புவதற்கு சில நொடிகள் முன் பற்றிய தீ… 176 பேர் உயிரின் கதி… பரபரப்பான நிமிடங்கள்!

கிம்ஹே சர்வதேச விமான நிலையத்தில் பயணிகள் விமானம் ஒன்று ஹாங்காங்கிற்கு, 169 பயணிகள் மற்றும் ஏழு பணியாளர்கள் என மொத்தம் 176 பேரை ஏற்றிக்கொண்டு புறப்பட தயார் நிலையில் இருந்தது. ஆனால், புறப்படுவதற்கு சற்று நிமிடத்திற்கு முன்பு, விமானம் தீப்பிடித்தது. தீ மெல்ல மெல்ல அதிகரித்து கரும்புகை வெளியேறதால் பயணிகள் பீதி அடைந்தனர். இதையடுத்து மீட்பு பணிகள் துரிதப்படுத்தப்பட்டு பயணிகள், ஊழியர்கள் என அனைவரும் அவசரகால எஸ்கேப் ஸ்லைடு மூலமாக பத்திரமாக வெளியேற்றப்பட்டனர்.

மீட்பு பணியின் போது 3 பயணிகளுக்கு காயம் ஏற்பட்டது. தீ பிடிப்பதற்கு சற்று முன், விமானி சுதாரித்துக் கொண்டதால் நல்வாய்ப்பாக எந்த உயிரிழப்பும் இன்றி அனைவரும் பத்திரமாக மீட்கப்பட்டனர். தீ விபத்திற்கான காரணம் குறித்து விசாரணை நடந்து வருகிறது.

கடந்த டிசம்பர் மாதம் 29ஆம் தேதி தென் கொரியாவின் முவான் விமான நிலையத்தில் பயணிகள் விமானம் தரையிறங்கியபோது லேண்டிங் கியர் வேலை செய்யாததால் விமானம் கான்கிரீட் சுவற்றில் மோதி தீப்பிடித்த விபத்தில் 179 பேர் உயிரிழந்தது குறிப்பிடத்தக்கது.