குடியரசுத் தின கொண்டாட்டம்; ஆளுநர் உரையின்போது மயங்கி விழுந்த காவல் ஆணையர்

தமிழ்நாட்டில் மாநில ஆளுநர் ஆர்.என்.ரவி தேசியக் கொடியை ஏற்றி மரியாதை செய்தார். அதேபோல், கேரளா மாநிலத்தின் ஆளுநர் ராஜேந்திர விஸ்வநாத் அர்லேகர் தேசியக் கொடியை ஏற்றி மரியாதை செய்தார். ஆளுநர் கொடியேற்றும் நிகழ்ச்சி முடிந்து கேரளா ஆளுநர் ராஜேந்திர விஸ்வநாத் அர்லேகர் குடியரசுத் தின உரையை நிகழ்த்தினார்.

அந்த சமயத்தில் ஆளுநர் அருகே கேரளா மாநிலம், திருவனந்தபுரம் மாநகர் காவல் ஆணையர் தாம்ஸன் ஜோஸ் நின்றிருந்தார். அப்போது திடீரென மயங்கிய ஆணையர் தாம்ஸன் ஜோஸ் நிலைதடுமாறி கீழே சரிந்தார். இதனைக் கண்டதும், அங்கிருந்த அதிகாரிகள் உடனடியாக அவரை மீட்டு நிகழ்விடத்திலேயே முதலுதவி அளித்தனர்.

#JUSTIN குடியரசு தின விழாவில் ஆளுநர் பேசிக்கொண்டிருந்தபோது, திருவனந்தபுரம்

காவல் ஆணையர் மயங்கி விழுந்ததால் பரபரப்பு#Kerala #RepublicDay2025 #RepublicDay #News18Tamilnadu https://t.co/3v5L32pLWJ pic.twitter.com/XdRSGCznGK

— News18 Tamil Nadu (@News18TamilNadu) January 26, 2025

தொடர்ந்து காவல் ஆணையர் தாம்ஸன் மருத்துவமனைக்கு அழைத்துச் செல்லப்பட்டார். அங்கு அவருக்கு உரிய சிகிச்சை அளிக்கப்பட்டது. தற்போது காவல் ஆணையர் தாம்ஸன் ஜோஸ் நலமுடன் இருப்பதாக தகவல் வெளியாகியுள்ளது.