யாழில் கோர விபத்து : உயிருக்கு போராடும் இளைஞர்கள்

யாழில் (jaffna) விபத்தொன்றில் சிக்கி இரு இளைஞர்கள் உயிருக்கு போராடி வருவதாக தெரிவிக்கப்பட்டுள்ளது.

குறித்த சம்பவம் நேற்று (22) மாலை இடம்பெற்றுள்ளது.

சம்பவம் தொடர்பில் மேலும் தெரியவருகையில், யாழ் ஆவரங்கால் பகுதியில் இந்த விபத்து சம்பவம் இடம்பெற்றுள்ளது.

பலத்த காயங்கள்

யாழ்ப்பாணத்தில் இருந்து பருத்தித் துறை நோக்கி சென்ற மோட்டார் சைக்கிள்
ஆவரங்கால் பகுதியில் மாடுகளை மேய்ச்சலுக்காக கூட்டிச் சென்ற இளைஞன் மீது மோதி
விபத்தினை ஏற்படுத்தியுள்ளது.

இந்த சம்பவத்தில் நடந்து சென்றவர் பலத்த காயங்களுக்கு உள்ளாகி கை, கால்,
முறிவடைந்த நிலையில் மோட்டார் சைக்கிள் ஓட்டுனரும் தலையில் பலத்த
காயங்களுக்கு உள்ளாகியுள்ளார்.

இதையடுத்து, இருவரும் வீதியால் சென்றவர்களினால்
காப்பாற்றபட்டு அச்சுவேலி பிரதேச வைத்தியசாலையில்
அனுமதிக்கப்பட்டுள்ளனர்.

மேலதிக சிகிச்சை

பின்பு, மேலதிக சிகிச்சைக்காக யாழ்ப்பாணம் போதன
வைத்தியசாலைக்கு அனுப்பி வைக்கப்பட்டுள்ளனர்.

அச்சுவேலி தெற்கு பகுதியைச் சேர்ந்த உதயகுமார் விதுஷன்
(வயது 32) என்ற மாடுகளைக் கூட்டிச் சென்ற இளைஞனும், தனியார் காப்பீடு நிறுவனம்
ஒன்றில் பணியாற்றும் நெல்லியடி கரவெட்டி பகுதியைச் சேர்ந்த தேவமனோகரன் பிரணவன்
(வயது 23) என்ற மோட்டார் சைக்கிள் ஓட்டுநருமே இந்த விபத்தில் சிக்கியுள்ளனர்.

மோட்டார் சைக்கிள் ஓட்டுனரின் அதிக வேகமே இந்த விபத்துக்கு காரணம் என தெரிவிக்கப்பட்டுள்ளதுடன் விபத்து தொடர்பான விரிவான விசாரணைகளை அச்சுவேலி போக்குவரத்து காவல்துறையினர்
மேற்கொண்டு வருவதாக தெரிவிக்கப்பட்டுள்ளது.

மேலும், காயமடைந்த இருவரும் தற்போது உயிருக்கு போராடி வருவதாக யாழ்ப்பாண போதனா
வைத்தியசாலை காவல்துறையினர் தெரிவித்துள்ளமை குறிப்பிடத்தக்கது.