மலேசியாவின் போக்குவரத்து துறை (JPJ) MyJPJ செயலியில் புதிய வசதியாக போக்குவரத்து அபராதங்களை நேரடியாக செலுத்தும் முறையை அறிமுகப்படுத்தியுள்ளது. இனி வாகன ஓட்டிகள் தங்கள் அபராதங்களை JPJ அலுவலகங்களுக்கு செல்லாமல், மொபைல் செயலியின் மூலம் எளிதாக சரிபார்த்து, கட்டணத்தை செலுத்த முடியும். இந்த புதிய அம்சத்தை போக்குவரத்து அமைச்சர் அன்டோனி லோகே சியூப் போக் அறிவித்தார்.
MyJPJ செயலி பயன்பாட்டில், பயனாளர்கள் தங்கள் அபராத விவரங்களை செயலியின் “Summons” பகுதியில் கண்டுபிடிக்க முடியும். “Pay Now” எனும் வசதியை கிளிக் செய்து நேரடியாக கட்டணத்தை செலுத்த முடியும். சேமிக்கப்பட்ட ரசீதுகளையும் செயலியில் காணலாம். இந்த வசதி பயனர்களுக்கு நேரத்தையும் பணத்தையும் மிச்சப்படுத்துவதோடு, JPJ அலுவலகங்களில் தேக்கமடையும் பாரத்தை குறைக்கிறது.
MyJPJ செயலி iOS மற்றும் Android கருவிகளில் பதிவிறக்கம் செய்ய முடியும். புதிய பயனாளர்கள், செயலியில் பதிவு செய்ய வேண்டும், அதற்கு அடையாள அட்டை (IC) மற்றும் வாகன விவரங்கள் தேவைப்படும். மின்னணு முறையில் அபராதங்களை தீர்க்கும் இந்த புதிய முயற்சி, மலேசிய அரசாங்கத்தின் நவீனமயமான திட்டங்களின் ஓர் அங்கமாகும். இது மக்களுக்கு எளிமையாகும் வகையில் வடிவமைக்கப்பட்டுள்ளது.
இந்த வசதி மக்கள் பயனில் வரும் வகையில் உருவாக்கப்பட்டதோடு, போக்குவரத்து விதிகளை மீறாமல் இருந்தால், இதை பயன்படுத்த வேண்டிய அவசியமே ஏற்படாது என்பதை அமைச்சர் குறிப்பிட்டார். MyJPJ செயலி பற்றிய கூடுதல் தகவல்களை JPJ அதிகாரப்பூர்வ இணையதளத்தில் (www.jpj.gov.my) பார்வையிடலாம்.
இந்த வசதி மக்கள் வாழ்க்கையை மேலும் சுலபமாக்கும் முக்கியமான முன்முயற்சியாக உள்ளது.
