அஸ்வினுக்கு நேர்ந்த சங்கடம்.. உறுதிப்படுத்திய முன்னாள் வீரர்.. அப்போ ஓய்வுக்கு இதுதான் காரணமா? – News18 தமிழ்

பும்ரா கேப்டனாக இருந்த இப்போட்டியில், அஸ்வின் சேர்க்கப்படாததற்கு பயிற்சியாளர் கவுதம் கம்பீர் காரணம் என கூறப்படுகிறது. அதாவது, அடுத்த தலைமுறை வீரர்களை உருவாக்கும் பொருட்டு, வாஷிங்டன் சுந்தருக்கு கம்பீர் வாய்ப்பு அளித்ததாகத் தெரிகிறது.

தாம் ஓரங்கட்டப்படுவதை உணர்ந்த அஸ்வின், திடீரென ஆஸ்திரேலிய தொடரின் இடையிலேயே ஓய்வு அறிவிப்பை வெளியிட்டார். இதைத்தான், தமிழ்நாட்டின் முன்னாள் கிரிக்கெட் வீரர் பத்ரிநாத்தும் உறுதிப்படுத்தியுள்ளார். உரிய மரியாதையுடன் அஸ்வின் நடத்தப்படவில்லை என்றும் அவர் தெரிவித்துள்ளார்.

Also Read | ஆஸி., அணியில் முக்கிய மாற்றங்கள்: ஜெய்ஸ்வால்க்கு போட்டியாக இளம் ஓபனர்.. யார் இந்த சாம் கான்ஸ்டாஸ்?

இதனிடையே, 500 விக்கெட்களுக்கு மேல் வீழ்த்திய அஸ்வினுக்கு ‘Farewell Test’ போட்டியில் விளையாடுவதற்காக பிசிசிஐ அனுமதித்திருக்க வேண்டும் என்ற குரல்களும் ஒலிக்கத் தவறவில்லை. தான் கேப்டனாக இருந்திருந்தால் அவரை இப்படி ஓய்வு பெற்றிருக்க அனுமதித்து இருக்கமாட்டேன் என இந்தியாவுக்கு முதலாவது உலகக் கோப்பை வென்று தந்த கபில்தேவ் கூறியுள்ளார். இதேபோல, கோலி கேப்டனாக இருந்திருந்தால், அஸ்வினை ஓய்வுபெற அனுமதித்து இருக்க மாட்டார் என பாகிஸ்தான் முன்னாள் வீரர் பாசித் அலியும் தெரிவித்துள்ளார்.

இப்படியாக மழை விட்டும் தூவானம் விடாத கதையாக, அஸ்வின் ஓய்வு பெற்றப் பிறகும், அதற்குப் பின்னால் உள்ள சர்ச்சைகள் வெளியாகிக் கொண்டே இருக்கின்றன.

.