லங்காவி:
லங்காவிக்குச் செல்லும் ஃபேரி கட்டணம் ஜனவரி 1ஆம் தேதி முதல் RM3 இலிருந்து RM10.50 ஆக உயர்வடைகிறது.
கோல கெடா, கோல பெர்லிஸ் ஆகிய பகுதிகளிலிருந்து லங்காவி தீவிற்குச் செல்லும் கட்டணமே இவ்வாறு விலை உயர்த்தப்படுகிறது.
இது உள்நாட்டு, வெளிநாட்டு சுற்றுலா பயணிகள், மற்றும் உள்ளூர் நாட்டவர் என்று அனைவருக்கும் பொருந்தும் என்று நிறுவனத்தின் தலைமை நிர்வாக அதிகாரி LEFTENAN KOMANDER நோர்ஹஃபிஸ் அப்துல் வஹிட் கூறினார்.
இந்நிலையில் மலேசியர்களுக்கு கோல பெர்லிஸிருந்து லங்காவி தீவிற்கு செல்வதற்கு பெரியவர்களுக்கு 24 ரிங்கிட்டும் சிறார்களுக்கு 19 ரிங்கிட்டும் அறவிடப்படுகிறது. அதேநேரம் கோல கெடாவிலிருந்து லங்காவிக்குச் செல்வதற்கு பெரியவர்களுக்கு 30 ரிங்கிட்டும் சிறார்களுக்கு 24 ரிங்கிட்டும் அறவிடப்படுகிறது என்று, அவர் இன்று வெளியிட்டுள்ள ஓர் அறிக்கையில் தெரிவித்துள்ளார்.
